Ambjenteve të një biznesi i kanë vendosur lëndë shpërthyese, e dyshuar tritol. Fatmirësisht s’ka të lënduar, veç dëme materiale.
Ngjarja ka ndodhur orët e para të ditës së sotme, në lagjen 17.
Njoftimi i policisë:
Sot, rreth orës 03.10, në lagjen 17/1, rruga “Shenjtoret”, në fasadën e dyqanit të shtetasit Sh.A., 58 vjeç, dyshohet se shtetasi D.K., 31 vjec, banues në Burrel, në bashkëpunim me persona të tjerë ende të paidentifikuar, kanë hedhur një sasi të vogël lëndë plasëse, duke shkaktuar vetëm dëme materiale.
Dyshohet se ngjarja ka ndodhur si pasojë e një konflikti të mëparshëm mes shtetasit SH.A. dhe D.K.
Grupi hetimor po punon për zbardhjen e plotë të shkaqeve dhe bashkëpunëtorëve të mundshëm.
