Një plagosje me armë zjarri ka ndodhur mbrëmjen e së martës, në Velipojë, Shkodër.
Rreth orës 22:00, ndodhi ngjarja dhe shënjestër e atentatit ka qenë shtetasi Pjerin Brushtulli.
Burime nga policia bëjnë të ditur se i plagosuri ka qenë i dënuar me 15 vjet burg për vrasje në vitin 2005, ndërsa kishte pak kohë që kishte lënë qelinë.
Ngjarja për të cilën ai ka qenë i dënuar ka ndodhur në 6 tetor 2002, ku viktimë ka mbetur shtetasi Kolec Hila.
Kujtojmë se ngjarja merr përmasa më alarmante po të kemi parasysh se në këtë periudhë, Velipoja mbipopullohet me pushues, duke qenë një destinacion i preferuar për plazhet ranore të zonës.
Njoftimi i policisë:
Rreth orës 22:00, në Velipojë, në afersi të një resorti, në rrethana ende të paqarta është plagosur me armë zjarri, shtetasi P. B. 48 vjeç, banues në Shkodër, i cili po transportohet për në Spitalin Rajonal Shkodër për ndihmë mjeksore.
Në vendngjarje kanë shkuar forca të shumta policie dhe grupe të FNSH Shkodër , është rrethuar zona dhe vijon krehja e saj me qëllim kapjen e
autorit
