Dark Web është pjesa e panjohur e internetit ku shumë “kërkues” e përdorin për aktivitetet e tyre legale ose jo.( nisur nga emri, probabilitetin më të lartë e kanë veprimtaritë jo zyrtare)
Interesante është se “Dark Web” është krijuar në vitet ’90 nga ushtria
Amerikane, si një mënyrë e sigurte komunikimi.
Edhe sot qeveritë hedhin miliona çdo vit në këto projekte sepse akoma përdoren nga ushtria, agjencitë e inteligjencës dhe ente të tjera.
“Deep Web” a ka lidhje me “Dark Web” ?
Po dhe ju mund të keni dëgjuar për këtë vend “enigmatik” në Internet i njohur si ‘Deep Web’ apo ‘Dark Web. Fakti është se, si çdo gjë e veshur me mister ka tundim të madh, për të parë përtej asaj që duket, asaj që njohim edhe interesi për deep web dhe dark web ka qenë në rritje.
Çfarë është saktësisht Deep Web?
Shkurtimisht, deep web është kudo, por nuk mund të indeksohet apo aksesohet nga çdo motor kërkimi. Deep web në fakt është disa herë më i madh se websitet e indeksuara, dhe përfshin aktivitete të paligjshme me anë të teknologjisë.
Surface Web, Deep Web, Dark Web
Për t’u kuptuar, Surface Web është çdo gjë që një motor kërkimi mund të gjej duke identifikuar përmbajtje online.
Deep Web është çdo gjë që një motor kërkimi nuk mund të gjej. Dark Web në anën tjetër përfaqëson vetëm një pjesë të vogël të Deep Web i cili është fshehur qëllimisht dhe është i paarritshëm përmes shfletuesve klasik.
Të aksesosh Dark Web
Rrjeti Tor është vendi më i njohur zakonisht ku përmbajtja e dark web “takohet”.
Ky rrjet anonim përbëhet nga mijëra servera në gjithë botën, që mbahen nga vullnetarë dhe avokatë të privatësisë në internet.
Emri i tij është një akronim për “The Onion Router” referuar falë teknikës e cila krijon një rrugë përmes serverave Tor të caktuar rastësisht, para se të arrini çfarëdo faqe interneti që klikoni.
Gjatë këtij procesi paketat e të dhënave janë si guacka me shtresa të njëpasnjëshme në çdo nyje deri në momentin kur arrin në destinacion.
Kjo është një temë shumë specifike dhe e gjatë në shpjegim e përvetësim nga njerëzit jashtë këtij profesioni apo pasioni, por përcollën vetëm shpjegimin sipërfaqësor të termave që hasen shpesh në terminologjinë teknike e të përditshme.
