Kjo gjoja tronditja e shoqërisë tonë për faktin që një ish- kryetar bashkie merret me trafik kokaine është shumë cinike.
Kjo sepse individë të tillë rezultojnë të jenë jo vetëm njerëzit më me influencë nëpër zonat e tyre, por njëkohësisht rezultojnë dhe njerëzit më të votuar dhe respektuar.
Fatkeqësisht kjo është e vërteta më e dhimbshme e shoqërisë tonë, pavarësisht se ne jemi mësuar të fajësojmë politikën për këtë.
Sigurisht, politika ka mëkatet e veta, por “adhurimi” deri në nënshtrim që ne kemi për individë të tillë dhe frika dhe pafuqia për tu përballur me ta nuk është as faji i këtyre individëve dhe as faji i politikës.
Dinakëria e politikës dhe veçanërisht e dinakëria e Edi Ramës qëndron në faktin se ai i njeh mirë frikërat dhe dobësitë tona si shoqëri dhe i shfrytëzon maksimalisht ato në interes të tij.
Sepse në një vend normal mbështetja politike për individë të tillë do prodhonte dështim katastrofal , ndërkohë në një vend të dorëzuar dhe të pafuqishëm kjo kthehet në sukses, madje të garantuar dhe të pakonkurueshëm.
