Produkt i aktivitetit “human” janë 82 “pacientë” të cilët shkuan në Itali me dokumente false spitalore.
Nga këtu nisi hetimi i mjekëve
Katër mjekë shqiptarë dhe dy biznesmenë janë në mesin e 82 personave të hetuar nga SPAK-u dhe Antimafia në Itali si pjesë e trafikut e korrupsionit te të “betuarit” e Hipokratit ose bluzat e bardha të njollosura tashmë.
Mësohet se “çeta e humanistëve” ju është përkushtuar 82 pacientëve shqiptarë dhe u ka ofruar shërbim shëndetësor në spitalet italiane me letra false! Kurimi në Itali në kohën e COVID-it, por dhe hyrja e medikamenteve në mënyrë të pavarur nga shteti përtej Adriatikut janë parë si mundësi pasurimi, apo të ardhurash për disa mjekë, infermierë dhe biznesmenë.
Bëhet fjalë për shuma marramendëse monetare, por edhe bonuse të tjera që po hetohen.
Tashmë ka nisur çmontimi i ingranazheve në makinën e bardhë të korrupsionit.
Emra mjekësh, farmacistësh, biznesmenë e sekser janë vënë nën hetim dhe sekuestro pasurish në dy brigjet e Adriatikut.
