Partia Socialiste ka nisur zgjedhjet e strukturave të saj në 61 bashkitë e vendit.
Në këtë kuadër, kryebashkiaku i Tiranës, Veliaj, i ka nisur takimet nga njësia 10-të.
Ai shoqërohej nga deputeti i zonës, Fatmir Xhafaj, i cili rezultoi në zgjedhjet e prillit 2021 si emri më i votuar në Tiranë.
Gjatë takimit me drejtuesit në këtë zonë administrative, ai ka bërë thirrje që të përfshihen të gjithë në proces, por theksin e ka vënë te të rinjtë.
Gjithashtu ai ka kujtuar se në garë për drejtues të futen më të mirët zonja e zotërinj.
Në fjalën e tij, ai ka qenë i ashpër me Berishën e Metën, duke premtuar se, as të dy bashkë nuk e mundin dot.
“Për Partinë Socialiste nuk është progres krahasimi me ata që i kemi mundur disa herë. Madje, sot në Tiranë nuk ka asnjë pikë kurioziteti nëse për kryetar bashkie do të kandidojë Saliu apo Ilir Meta.
Ata duan të ndihmojnë veten, kurse PS pyet se si do të shkojë një stekë më të lart, si të rrisë cilësinë e qeverisjes.
Kundërshtarët tanë zgjedhjet brenda partisë me kulturën që dinë ta bëjnë mirë: hipin nëpër shkallë, thyejnë xhamat, shqyejnë dyert, edhe brenda partisë kështu e kanë por ne edhe këtu dallojmë. Kontrasti mes asaj që pamë në 8 janar në selinë e PD, me mënyrën
se si i organizon zgjedhjet e veta Partia Socialiste, është si dita me natën. Beteja e ardhshme mund të duket shumë e lehtë kur mendon se përballë do të kemi Ilir Metën dhe Sali Berishën, dy njerëzit me kuotat më të ulëta në rrafshin publik, por ajo që na ka nxjerrë faqebardhë gjithmonë është se ne nuk bëjmë kurrë llogaritë e kundërshtarit, ne bëjmë vetëm llogaritë tona. Nëse ne na del llogaria jonë, organizimi ynë, disiplina jonë, komunikimi ynë me njerëzit të jetë kush të dojë përpara, apo edhe të gjithë të tjerët bashkë”, tha kryetari i Bashkisë së Tiranës.
PS ka hapur thirrjen nga data 1 qershor deri më datën 20 qershor për secilin që dëshiron dhe kjo është një mënyrë e mirë për të parë kush janë forcat mes nesh, çfarë energjie kemi mes nesh, ndaj besoj se në finale do të përfundojmë me një kryetar dhe një kryetare. Po ashtu, do të zgjedhim edhe pozicionet e tjera, duke filluar nga sekretarët organizativë, sekretarët dixhitalë, sekretarët që do të merren me komunikimin etj.
