Berisha- Ramës: Qenie e përçudnuar. Ik sa të duash, je i pashpresë!
Ish-kryeministri Sali Berisha nga foltorja e Kuvendit akuzoi kryeministrin Rama se nuk po dënon krimet serbë në Kosovë.
Fjala e plotë e tij :
“Një njeri që vetëm vjedh, ndikon dhe rrit çmimet në stratosferë. A do pranojmë ne këtë njeri që ju mashtron nga mëngjesi në darkë. A do vazhdojmë të pranojmë këtë njeri? Vetëm fëmijë në Kosovë të masakruar, theruar, vrarë janë 1400, po ka fëmijë ky njeri, është njeri ky njeri mos zonjë se je dhe avokatja e tij më e flaktë që nuk na jep as fjalën për procedurë.
Ku e ka ky autoritetin të flasë, ti krahasojë me viktimat e agresorë të luftës së dytë botërore.
Le të flasin autoritetet e Kosovës, meqë nuk ndjen asgjë për ta, meqë ndihesh padron i atyre që masakruan.
Pse përdhos parlamentin me qëllime të tilla. Kush të lejon ty të falësh gjakun e tyre. Çfarë lidhje ke ti me ta?
Paraardhësi yt Enver Hoxha është akuzuar pas Hitlerit për infaticid.
Unë nuk them se i ke vrarë ti ata. Por mungesa e ndjeshmërisë totale të akuzon si një qenie të përçudnuar. Ik sa të duash, je i pashpresë.
Do t’ja them te gjitha në sy, shesh me shesh e rrugë më rrugë. Shqipëria do ngrihet e tëra, sepse nuk mund të pranohet kjo. Vidhni dhe mashtroni. Vidhni me interesa të kredive që keni marrë”, përfundoi Berisha.
