Mbi ndryshimet që parashikohen të ndodhin për normën e tatimit për biznesin e vogël, në ligjin e ri “Për Tatimin mbi të Ardhurat”
Ka disa kohë që po qarkullon nëpër ambjentet mediatike, si dhe nëpër koridoret e Ministrisë së Financave për disa ndryshime ligjore që do të rrisin tarifat e taksimit për biznesin e vogël dhe se biznesi i vogël do tatohet nga viti 2023 e në vazhdim, duke rënë ndesh me premtimin e qeverisë se ky biznes nuk duhet të tatohet deri në vitin 2029 sipas shkalës së xhiros.
Kjo gjë nuk i pëlqeu Kryeministrit i cili shkroi në twitter: “Një LAJM I RREMË ka marrë dhenë: Rama do të taksojë biznesin e vogël! Ne jemi partia që e bëri Shqipërinë të vetmin vend në Europë me taksë zero e me TVSH zero për Biznesin e Vogël dhe kjo (e kemi thënë) nuk do të ndryshojë deri në vitin 2029! Të tjerat janë tutkunërira mediatike!”.
Por pavarsisht se çfarë u deklarua nga Z. Rama ne twitter Ministria e Finacave shpërndan draft ligjin “Për Tatimin mbi të Ardhurat”
Në këtë draft ligj bie në sy ndryshimi i normës së taksimit për personat fizik (profesionet e lira) ose në zhargonin e përditshëm norma tatimore për biznesin e vogël, ku të ardhurat e tyre do të taksohen në mënyrë progresive si pagë.
Në këto profesione përfshihen avokatët, mjekët, infermierët, kontabilistët e miratuar, audituesit, noterët, inxhinierët, ndërmjetësit e pasurive të paluajtshme etj. Këta profesionistë, në fakt, ushtrojnë një aktivitet biznesi të mirëfilltë dhe nuk mund të konsiderohet si shërbim pune, por si biznes.
Në draft ligjin “Për Tatimin mbi të Ardhurat” neni 24, Norma Tatimore është parashikuar;
1) Të ardhurat nga punësimi dhe të ardhurat nga biznesi për individët tregtarë dhe të vetëpunësuarit tatohen me normat e mëposhtme:
Baza Tatimore vjetor Norma tatimore
0 – 2,400,000 13%
Mbi 2,400,000 23%
2) Të ardhurat nga investimi tatohen me normat e mëposhtme;
a) Të ardhurat nga dividentët 8%.
b) Çdo zë tjetër i të ardhurave nga investimi 15%.
3) Përvecse kur parashikohet ndryshe në këtë ligj, asnjë kosto nuk zbritet kundrejt të ardhurave nga investimi.
Me këto ndryshime që qeveria parashikon të bëjëi, më e pakta do të thotë se qeveria mashtroi biznesin e vogël duke i premtuar ZERO tatime deri ne vitin 2029.
Për ta illustruar se sa do të paguaj një tatimpagues që ushtron aktivitetin e tij si profesion i lirë si dhe duke marrë të mirëqenë shtjellimin e dhënë në gazetën Monitor le të marrim një shembull:
Tatimpaguesi X gjatë vitit ushtrimor ka realizuar një xhiro vjetore 10,000,000 lekë, i cili ka dy të punësuar me pagë 60,000 lekë secili, si dhe kryen shpenzime rreth 1,000,000 leke ne vit.
Me normat e reja tatimore ky tatimpagues do të paguaj 23% të fitimit neto.
I. Te ardhurat 10,000,000
II. Shpenzimet 2,673,000
për pagat (12 * 120,000) 1,440,000
për sig.
233,280
për mirmbajtje 1,000,000
Të ardhurat neto ( I -II ) = 7,326,720
Tatimi (23% * 7,326,720) = 1,685,145 lekë, afërsisht 16.85% të tatimit mbi xhiron ( 16.85% * 10 milion).
Shteti, qeveria jonë, do të na tatojë më shumë se një Sh.A, Sh.P.K.
Problemi që shtrohet për diskutim është se përse të ardhurat e krijuar nga këto biznese duhet të të tatohen në mënyrë progresive si tatohen pagat e punës?
Do të thonë se japin vetëm shërbime për fuqinë e tyre punëtore? Sherbime ofrojë dhe kompanitë e internetit apo telekomunikacionit. Si rrjedhojë e së njëjtës llogjikë dhe këto kompani duhet të taksohen në këtë mënyrë. Do të thoni forma juridike PF apo Sh.P.K, nuk ka asnjë vlerë.
Janë këto biznese që kanë marr riskun si të gjithë të tjerët, për gjetjen e klientëve, për të siguruar të ardhura për familjet e tyre, ato riskojnë si cdo biznes tjetër që ushtron aktivitetin e tij tregtar, ato përballen me falimentimin si çdo biznes tjetër.
Atëhere përse këto biznese duhet të tatohen ndryshe?
DPT le të na illustrojë me shembuj sipas statistikave qe disponon se:
1. Sa lekë tatime dhe taksa paguajnë këto kompani (apo dhe të aktiviteteve të tjera) për 100 lekë të ardhura?
2. Sa lekë tatime dhe taksa do të paguajnë personat fizik me këto ndryshime për 100 lekë të ardhura?
Në një shtet të së ardhmes, ku pasuria më e madhe e një kombi është dija dhe intelekti i qytetarëve të saj, ne i taksojmë sepse kanë mësuar më shumë, kanë shpenzuar më shumë për tu paisur me dije, janë pak më të zotë, apo në fund të fundit sepse po punojnë të licencuar duke ofruar shërbimet e tyre për një të mirë publike dhe të kërkuar dhe nuk janë duke abuzuar, apo kryer evazion fiskal.
Zoti Rama kë të besoj..? Ministren apo Kryeministrin?
Për kujtesë:
Ne vitin 2014 qeveria ndërmorri disa ndryshime në ligjin e Proçedurave Tatimore të bëra me ligjin nr. 164 datë 04.12.2014. Një nga ndryshimet e bëra ishte vendosja e pagave maksimale për profesionet e lira. Të gjithë e dimë se gjykata Kushtetuese e rrëzoi këtë pikë të nenit si të pabazuar në ligj.
Sot:
Biznesi i Vogel, më shumë se kurrë ka nevojë për garanci
· Garanci në politikat fiskale
· Garanci në tarifat e taksimit
· Garanci dhe besim që politika duhet të heq dorë njëherë e mirë nga ndryshimet e shpeshta të legjislacionit fiskal.
Politika të tilla fiskale e stepin biznesin, e bejnë atë ngurrues dhe totalisht mosbesues ndaj politikave të qeverisë.
