Tirana u vu nën pushtetin e ujit sot mbas reshjeve të dendura të mesditës.
Dalja nga shtrati e lumit Lana, krijoi një gjendje të tmerrshme te banorët dhe drejtuesit e autoveturave në zonën e ish Qytetit të Nxënësve.
Nuk është rast i rrallë…
Qytetarët e Tiranës e përjetojnë me ankth çdo reshje që përfshin qytetin.
Përmbytje e rrugëve, kateve të para dhe trafik i çmendur.
Zona që i përjeton më keq këto situata mbeten lagjet te “pallati me shigjeta” dhe brigjet e Lanë në pjesën perëndimore të qytetit.
Dukuri që përsëritet aq shpesh dhe në të gjitha rastet, administratorët e bashkisë, veshin çizme dhe pozojnë në zonë, shoqëruar me premtime për zgjidhje të shpejtë.
Vitet kalojnë, shirat përsëriten, qyteti përmbytet, ja kjo është rutina e shiut në kryeqytetin e Shqipërisë
