Ilaçi i ri me emrin “Dostarlimab” quhet ilaçi i ri, i cili rezultoi efektiv, duke shëruar të gjithë pacientët me kancer të zorrës së trashë, që morën pjesë në testim.
Sipas “New York Times” ky ilaç çudibërës u përdor nga pacientët që morën pjesë në eksperiment për 6 muaj dhe në fund, te të gjithë u zhduk tumori.
Doktori Luis A. Diaz J. tha se kjo ishte hera e parë që ndodh në pacientët me kancer në zorrën e trashë.
“Kjo është hera e parë që ndodh në historinë e kancerit, tha ai.
Të gjithë pacientët i ishin nënshtruar më parë kimioterapisë dhe operacioneve të ndryshme, që i kishin shkaktuar probleme në fshikëz dhe në jetën seksuale. Marrja e ilaçit bëri që ata të mos kishin më nevojë për trajtim. Gjatë eksperimentit pacientët morën “Dostarlimab-in” një herë në 3 javë, për 6 muaj me rresht.