Shqipëria sot në mbrëmje ka përballjen e parë në Ligën e Kombeve, teksa do të ndeshet me Islandën në orën 20:45.
Ndeshje e rëndësishme e Kombëtares në lidhje me kualifikimin në Europian apo dhe kalimin në një “kuti Pandore” më lart në çastin e hedhjes së shortit, gjithmonë nëse kuqezinjtë kualifikohen në vend të parë në grupin e tyre.
Formacioni – I detyruar nga mungesat, si ajo e Brojës, Uzunit, Bares, Laçit dhe Manajt, mendohet se trajneri italian Edi Reja do të hedh në fushën e blertë një formacion të tillë:
Etrit Berisha do jetë gardiani i portës, ndërsa në mbrojtje Balliu, Ismajli, Kumbulla, Gjimshiti dhe Hysaj.
Për mesfushën në dispozicion do të jenë Gjasula, Abrashi, Çekiçi dhe Bajrami. Varet se çfarë zgjedhje do të bëjë Reja.
Sulmi do t’i besohet dyshes Cikalleshi-Seferi.
