Në makinë. Ezmerka në timon. Unë pasagjer. Noah na priste tek Bar Tiffany.
-Më duhet një tampon me pambuk. Shkojmë e marrim tek Rosman?
Mbyllur… U kthyem në shtëpi…
-Ku mund të gjej tampon pambuku?
-Në çdo farmaci.-tha Ezmerka.
Shkolla “Petro Nini”. Karshi. Një farmaci. Shtyva derën. Minella me gruan. Ai në banak. Ajo para kompjuterit.
-Racionin e tensionit?
– Jo. Tamponë pambuku?
-Për kë I do? -Pyeti Minella.
-Për Ezmerkën…
Gruaja ngriti kokën. Buzëqeshi…
Minella hapi raftin.
-Kemi dy lloje. Njeri është më I “kripurin”!
-Qeshi Minella.
Gazi është ngjitës. Qeshi edhe e shoqja. Nuk e kuptova psenë…
-Për Ezmerkën, do marr dy kutitë e kripura?
-Bravo Ezmerka! Qënka në formë! Tha gruaja…
Dhe haha e kuku…Mu dukën të dy të lajthitur?!
..Derën ma hapi Ezmerka. Ja lashë në dorë kutitë. I mori. Në fillim zgurdulloi sytë. Pastaj nisi fortuna:
-Pika burrit! Po unë dua pambuk për fytyrë. Ti blen tampona për vagina cupëlinash…
…As u skuqa. E as u zverdha…Unë prodhoj humor. Me habere dhe me lajthitje…Nuku!
