Përsiatje me veten(dhe të tjerët), nxitur nga daullet mediatike, të cilat po e shpallin hero kryeministrin Rama.
Në parim dhe së pari, unë mendoj se koha jonë, nuk po ka fuqi gjeneruese për të prodhuar emblema të tilla heroike.
Në bindjen time dhe në parim përsëri, ky vend dhe popull, nuk ka nevojë për udhëheqës heronj. Jo, ne na duhet veç një kryeministër normal, njerëzor dhe ligjërisht i virtytshëm. Ja kaq na duhet.
Në rrafshin e realitetit ku jetojmë…
Të gjithë e dimë që Rama nuk është as burrë referues, aq më tepër burrë shteti apo hero.
Një burrë nuk vjedh (një kryemistër normal kurrë) , por punon që të vlerësohet, ndërkohë që ky po vjedh çdo brinjë të këtij vendi .
Një burrë i vërtetë, një kryemistër, e mban popullin të bashkuar, e kthen vendin në një vatër të jetueshme për të gjithë, ndërkohë që ky “buri-hero” ka dërguar të rinjtë e Shqipërisë në ekzil duke e zbrazur frikshëm vendin.
Një kryemistër i vërtetë nuk blen pushtet, nuk kap mediat, gjykatat, prokuroritë, opozitën, nuk shtrëngon e kërcënon popullin për ta votuar, por pret si burrë vlerësimin, madje kombit të tij i shërben dhe ikën kokëulur e jo me arrogancë e batuta perverse.
Një burrë (një kryeministër normal jo që jo) nuk e kthen kurrë personale me një mjek që kërkon të shpëtohen më shumë jetë, që kërkon dinjitet për vete e kolegët, përkundrazi kthehet në mbështetës të punonjësve e qytetarëve të vendit të tij.
Lexuesve ju kërkoj ndjesë për çështjen e “mjekut të pushuar nga puna”, mbasi je referova vetes si një mjek i flakur nga puna në kulmin e pandemisë COVID-19. I pushuar, jo për shkelje administrative apo protokoll mjekësor, por vetë pse kritikoja sistemin, me qëllimin e vetëm dhe të dobishëm, për të qenë sa më efektiv në rrethanat e panikut dhe dijes botërore.
Pra, mjaft më me zhargone dhe ditirambe heronjsh.
Një burrë shteti, një hero, është ai person që ndonjëherë mund të vijë nga anonimiteti, por spikat me vepra të mëdha për popullin dhe kombin e tij.
A është Rama një i tillë ?
Në syrin tim dhe nën objektivitetin maximal, nuk gjejë asnjë detaj kualifikues për gradë të lartë vlerësimi.
Sa për “heronjtë” e afganëve, nuk di, sepse nuk e njoh etalonin matës të tyre.
Nëse po, atëherë “heronj” të tillë le t’i mbajnë e nderojnë ata që ju thurin hymne.
