Vizitor i frikshëm në brigjet e Adriatikut.

Një peshkaqen është shfaqur pasditen e të martës në bregdetin e Durrësit dhe disa pushues kanë arritur ta filmojnë.
Pushuesit kanë qenë duke shëtitur mbi ujërat e kaltra mbi varka me penale dhe kanë arritur ta fotografojnë edhe pse janë tmerruar.
Peshkaqeni dallohet qartë, ndërsa noton në ujërat e detit Adriatik.
Specie të tilla nuk shfaqen shpesh në ujërat tona bregdetare.
Rastet kur peshkatarët kanë kapur në rrjetat e tyre ndonjë peshkaqen kanë ndodhur në ujërat e thella dhe larg brigjeve.