Nga sot qytetarët gjermanë do të kenë mundësi të udhëtojnë në vend me 9 euro në muaj, për tre muajt e ardhshëm. Qëllimi i këtij vendimi është për të zbutur koston në rritje të jetesës.
Nisma e qeverisë gjermane përfshin të gjithë transportin lokal dhe rajonal në trena, autobusë dhe metro, por trenat ndërqytetas nuk janë pjesë e vendimit.
Gjithashtu, taksa e karburantit është ulur me rreth 30 cent për litër për benzinën.
Taksa është ulur në minimumin e BE-së, përsëri për tre muajt e ardhshëm, kështu që çmimet e naftës gjithashtu po ulen me rreth 14 cent për litër.
Ministri i Transportit Volker Wissing i ka përshkruar biletat me vlerë 9 euro në muaj si një mundësi të shkëlqyer: “Është një sukses që ne kemi shitur tashmë shtatë milionë bileta”.
