Kryeministre e Finlandës, Sanna Marin ka zhvilluar ditën e sotme një vizitë në Ukrainë ku është takuar me Presidentin Volodymyr Zelensky.
Vizita e saj ishte e panjoftuar. Gjatë qëndrimit, Marin vizitoi dhe zonat e shkatërruara në Irpin dhe Bucha.
Marin kishte veshur një jelek antiplumb, ndërsa u filmua duke ecur me zyrtarë dhe ushtarë. Kryeministrja njoftoi së fundmi vendimin historik të Finlandës për të aplikuar për anëtarësim në NATO.
Ajo ka mbështetje nga SHBA, por Turqia po kërcënon të bllokojë Finlandën dhe Suedinë, duke akuzuar vendet nordike se strehojnë militantë kurdë.
