Ambasadorja Yuri Kim shigjeton zgjedhjet e prillit 2021.  

Shqiptarët votuan para një viti për të zgjedhur Parlamentin 2021-2025, ka nga ata që ende mendojnë se zgjedhjet parlamentare të 25 prillit nuk ishin të mira. Kështu është shprehur ambasadorja e Shteteve të Bashkuara të Amerikës në Tiranë, Yuri Kim në Konferencën Kombëtare “Votimi nga jashtë, koha është tani” të organizuar nga Komisioni Qendor i Zgjedhjeve, teksa ka theksuar se zgjedhjet e 25 prillit ishin të mira, por sipas saj, jo perfekte. Me këtë pohim ambasadorja Kim ka shigjetuar institucionet që merren me menaxhimin e zgjedhjeve dhe veçanërisht qeverinë që të jetë më e kujdesshme dhe të përmirësojë infrastrukturën duke i dhënë fund shti-blerjes së votës në Shqipëri.  “Jam shumë e kënaqur që jam sot këtu. Duke pasur parasysh kontributet e shqiptarëve është vërtet koha e duhur të merren hapat e nevojshëm në mënyrë që të ushtrohet kjo e drejtë. E drejta e votës së qytetarëve shqiptarë që jetojnë jashtë është e drejtë legjitime.
Yuri Kim, ka shprehur edhe një herë mbështetjen e saj për Reformat Zgjedhore dhe në Drejtësi. “Kur zhvillojmë zgjedhe të lira dhe të ndershme kur respektojmë institucionet tona ky është argumenti më i fuqishëm në favor të demokracisë. Sa më demokratik të bëhemi aq më të fortë jemi. SHBA do të mbështesin fuqishëm reformat qoftë ato zgjedhore dhe reformat ne drejtësi”, u shpreh ajo. Ndërkohë e pranishme në konferencë, kryetarja e Parlamentit, Lindita Nikolla theksoi se duhet punuar për lehtësimin e masave për pjesëmarrjen në proceset zgjedhore të shqiptarëve që jetojnë jashtë vendit.