Acarohen përsëri marrëdhëniet greko – turke, anëtarë të NATO-s të dy shtetet dhe fqinjë me shumë kontradikta midis tyre.
Para pak kohësh, kryeministri i Greqisë Kyriakos Mitsotakis bëri një vizitë zyrtare në Turqi, ku u prit nga presidenti Erdoğan.
Nuk e kuptoj dhe shpreh shqetësimin, pse duhet të jenë 10 baza ushtarake të NATO-s në territorin grek- ka thënë Erdoğan.
Nuk do ta takoj Mitsotakis, ka vazhduar ai duke ju referuar takimit të parashikuar mes të dyve në Samitin e NATO-s në Madrid që do të mbahet në fund të qershorit.
Duket se mosmarrëveshjet nuk janë zgjidhur dhe Rexhep Taip Erdoğan, dje ka lëshuar deklaratën e mëposhtme:
“Që tani e tutje, Mitsotakis nuk ekziston më për mua. Nuk pranoj ta takoj. Sepse ne ecim përpara me politikanë me personalitet dhe dinjitet që e mbajnë fjalën. Ne kishim rënë dakord që të mos përfshinim vendet e treta në mosmarrëveshjet tona. Por pavarësisht kësaj, ai në një vizitë në SHBA javën e kaluar foli në Kongres dhe i paralajmëroi të mos na jepnin F-16”, ka deklaruar ai në fjalën e tij pas mbledhjes së kabinetit.
Zëdhënësi i qeverisë greke, Jorgos Oikonomou, e ka quajtur të pafalshme deklaratën e presidentit turk ka theksuar se Greqia nuk futet në një lojë deklaratash me lidershipin turk.
“Kryeministri Kyriakos Mitsotakis mbron fuqishëm dhe në mënyrë efektive si ligjin tonë kombëtar ashtu edhe legjitimitetin ndërkombëtar. Politika e jashtme greke bazohet fort në histori, të drejtën ndërkombëtare dhe aleancat tona, sado që kjo i shqetëson disa. Politika jonë është një politikë parimesh”, ka thënë ai.
