Atdheu pret diell…
Errësira ka kohë që për fat të keq ka rënë në vendin tim që e dua aq shumë e ku gjaku në damarët Arbnor duket se është holluar ndjeshëm nga ata pa Atdhe ,pa nder e pa karakter .
Duke çmuar puthadorët ,shoqëria shqiptare gradualisht ka rënë në fazën latente e cila duket se e ka vështirë të zgjohet. Kërkon të jetojë në një botë surreale ku spikasin, judjanët ,perversët ,matrapazët, demogogët ,injorantët,imoralët ,tregëtarët e shpirtrave e pjesëve fizike, llum e soj e sorollop pa limit .
Pulsi i kësaj shoqërie të vdekur tashmë i pa jetë, errësira ku është zhytur kjo shoqëri është e frikshme .
Tashmë ne nuk mendojmë ,nuk merr guxim, shpresëshuar e zemërthyer, por që nuk lëvizin as fijen e flokut për ta përmisuar apo ngritur mbi të keqen e për të sfiduar kampionët e errësirës, të cilët mbajnë flamuj politik me mendjeshkurtësinë e tyre këputën fijet e shpresës duke shkatërruar çdo gjë, e cila të jep motiv per të parë dritën .
E tash po them a ka dritë e shpirt Atdheu ?…Po !
A ka zemër e puls Atdheu ? Po ..!
A e meriton Atdheu këtë errësirë? Jo !
A duhet errêsirën ta largojmë ?
..Sigurisht që nese ne do të mendojmë me zemër e flasim me mëndje ,duke menduar se Atdheu ishte shumë para se te lindnim ne e do jetë i pavdekshëm me trashëgiminë e tij do e çlironim nga mbretërit e errësirës.
Me forcën e Diellit e shpresës Helios do sillnim dritën për ta jorganosur e vaditur Atdheun me shijen e atdhedashunisë, ku nuk do të na vijë zor se pse nuk reaguam !
Popujt janē si bimët nuk e durojnë errësirën, ato thithin rrezet e diellit e i përcjellin te ekosistemi rrënjor Arbnor duke e fuqizuar sistemin, shëndetin, trungun, degët e deri ke prodhimi i bollshëm i frutave e përsosur ciklin e trashëgimisë.!
Ky vend fatlum plot thesare dhuratë nga vetë Perënditë, kafshohet nga hienat e çakejtë politik, interesaxhijtë e matrapazët, përfitues sezonal e periodik në varësi të partisë që ka pushtetin.
Boll më .Është koha të ngrihemi pa dallim bindje ,feje ,ideje për vendin qe do ju lëmë fëmijëve tanë .Sejcili nga ne vetëm nuk ja del dot, por Bashkë mundemi .!
Dielli do rrëzoj mbi Arbëri rreze shprese e errësira do të struket në shpellat e kohës !
