Në kuadër të konferencës për 100-vjetorin e vendosjes së marrëdhënieve Shqipëri-SHBA, ambasadorja amerikane në Tiranë, Yuri Kim pohoi se bashkëpunimi mes dy vendeve do të vijojë.
Gjatë fjalës së saj, ambasadorja Kim theksoi se Shqipëria është vend model, për të treguar se kaloi nga shtypja dhe tashmë jep kontribut për botën, si me rastin e afganëve apo dhe për Ukrainën.
“Sekretari Pompeo ishte personi që më emëroi para 2 vitesh si ambasadore në vendin tuaj.
Është e rëndësishme të theksoj, se 30 vitet e fundit, ka një bashkëpunim të pathyeshëm, të fortë, pavarësisht se kush ulet në Shtëpinë e Bardhë, por kjo lidhje vazhdon të jetë e pathyeshme.
Së bashku jemi duke punuar për të luftuar korrupsionin dhe për integrimin e Shqipërisë në BE.
Ne kemi vendosur një prani amerikane këtu. Shpresojmë që kjo do të vazhdojë në 100 vitet e ardhshme. Gjatë 30 viteve të fundit, s’mund të kishim kërkuar një mik dhe një partner më të mirë se sa Shqipëria”- tha znj Kim.
