Një aksident i rëndë me pasojë vdekjen e dy personave ka ndodhur mesditën e kësaj të marte në autostradën Tiranë–Durrës.
Sipas informacioneve paraprake, një furgon me pasagjerë i linjës Tiranë-Berat është përfshirë në një aksident pranë QTU-së, si pasojë e të cilit ka dalë nga rruga.
Sipas burimeve paraprake nga vendi i ngjarjes në furgon ndodheshin 18 persona ndërsa 2 prej tyre kanë humbur jetën dhe 7 të tjerë kanë mbetur të plagosur dhe janë transportuar në spital.
Shkaqet e aksidentit mbeten ende të pazbardhura, efektivët e policisë dhe grupi hetimor kanë mbërritur në vendngjarje.
