Kryeministri Rama ka shprehur ngushëllimet për humbjen e jetës së efektivit të Policisë së Shtetit në Maliq

Kryeministri Edi Rama ka shprehur ngushëllimet për humbjen e jetës së efektivit të Policisë së Shtetit Enea Mekolli, gjatë një operacioni për kapjen e një të shumëkërkuari në zonën e Korçës.
Në reagimin e tij, Rama nderoi sakrificën e efektivit të rënë në krye të detyrës, uroi shërim të shpejtë për policin e plagosur dhe kërkoi ndëshkim maksimal për autorin.
“Respekt maksimal për Policinë e Shtetit, që nuk do të ndalet asnjëherë në misionin e saj”, u shpreh Kryeministri.