Kryetari i PD, Sali Berisha, pas daljes nga SPAK, bëri të ditur për mediat edhe tekstin e mesazhit që ka lënë në zyrat e Prokurorisë së Posaçme.
Ai, gjithashtu iu përgjigj pyetjeve të gazetarëve:
Anila Hoxha, TCH: Nëse gjykata pranon që Rama të thirret si dëshmitar, do jeni ju në atë seancë?
Sali Berisha: Po më thirri gjykata, do të shkoj me kënaqësi.
E merrni vesh se si do ta bëj Edi Ramën unë. Të jetë me kamera, ta shohin të gjithë shqiptarët.
Të dalim, të ballafaqohemi.
Por ai nuk vjen, ai këta i shumëzon me zero, i ka si ushtarë.
Po e thirrën, unë e vlerësoj atë dhe do të shkoj patjetër.
Nuk më kanë thirrur se po të më thërrasin, do të shkoj unë, nuk e kam asnjë problem.
Këto ishin për sot.
Seriali tjetër është seriali Dumani.
Anila Hoxha, TCH: Po na i paraqet si publicitet?
Sali Berisha: Po, është rregull që gjërat anonçohen. Unë bëj transparencë. Seriali Dumani është edhe ai një serial i veçantë.
Pyetje: Nëse do kemi një serial Dumani, a e konsideroni të përfunduar serialin Gjoka?
Sali Berisha: Seriali Gjoka u mbyll, sepse serialin Gjoka do të çojnë ta gjykojë gjykata e vet. Nuk shkon kurrë që e njëjta gjykatë të gjykojë personin, por ky është urdhri i Sadush Gjokës dhe këta nuk kanë çfarë bëjnë.
E ka dhënë këtë udhëzim ai, e ka lëshuar kur ia kanë kërkuar. A e dini si e përdor ai gjykatën? Si kuzhinë të veten.
