Lideri demokra, Sali Berisha, ka paralajmëruar zhvillime të forta në protestën e opozitës që pritet të mbahet sot në orën 18:00 para Kryeministrisë.
Në një deklaratë për mediat, Berisha u shpreh se protesta do të jetë një “kryengritje paqësore”, e cila sipas tij “do të njohë dimensione të reja” dhe do të vijojë deri në largimin e kryeministrit Edi Rama.
Berisha e cilësoi kryeministrin si “kufomë politike” dhe duke theksuar se opozita do t’i japë, sipas tij, “vendin që meriton”.
“Do të ketë revoltë! Kryengritja jonë paqësore do të njohë dimensione të reja. Është e pandalshme deri në largimin e Ramës.
E patë se si në fjalën e tij ai tejkaloi dhe kohëzgjatjen e fjalimeve të Gadafit dhe Fidel Kastros. Në fakt nëse e rikthen pas, kishin shqiptarët para një kufomë politike të pakallur.
Ne do ta kallim atë. Do t’i japim vendin që meriton.”, u shpreh Berisha.
