Intervista e katërt e Arben Ahmetajt, ish-zv/Kryeministër me Çim Peka në syri.tv, solli dosje të reja me peshë të rëndë. Leximi i ftohtë i saj, nxjerr të vërteta përvëluese. SPAK ka punë jo pak.
Për AKSHI, Durana, bisnese të mëdha të fshehur, jo pagues taksash, Porto Romanon, Porti i Durrësit, aksesi i rusëve në investime të sigurisë kombëtare, Eco Parkun, ku del vajza e Lindës, zonjës së Ramës, tregtinë e armëve, përpjekjen për dhënien e borxhit nga Rama të njëjtit tregtar, Aeroportin e Vlorës, Inceneratorët, Kashar-Thumanë, një batërdi genocid si vjedhje, Smart city, me 52 mijë euro një kamer, shtatëfishim kostoje, thua është satelit, për Bankers me qindra milionë euro, privatizimi i shtetit.
Bandat e trafikut të kokainës në investime publike dhe me duar në buxhet. Kriminalizimi ekonomisë. Përdorja e investumeve strategjike për të bërë Shqipërinë, dyqan pjesësh këmbimi.
Një tjetër ministre, Denaj, në aferat e rënda. Një kompani paguan sajdisjet për të Ramën, Ballukun dhe rastësisht na bëhet fituese tenderi. Mediet Kombëtare, si vegla të Ramës, në thesin e parave të qytetarëve. Duhej të ishin të pandehura. E shumë deklarime shoqëruar me shkresa. Natyrisht kanosja me jetë, ndaj tij dhe familjes.
Të gjitha këto kanë interes të fortë për publikun. Sepse janë plaçkitje kanibale e parave tona. Kujtojmë se denoncimet në tre intervistat e para, janë sot dosje të Strukturës së Posaçme, ku kemi akuzën Organizatë Kriminale në Kryeministri. Skeptikët lëvrojnë zgjedhimin e foljeve për kohën.
Raporti i Ahmetajt me drejtësinë është një çështje më vete të cilën ai e ka marrë përsipër të përballet për çdo akuzë të ngritur. Shumë qelibarë të ndenjur, u turrën të kërkojnë hesap se përse atëherë jo e tani.
Kjo nuk është dasëm në Kishë, ku ftohen të pranishmit që nëse kanë diçka për të thënë, ta thonë atë moment, ose të heshtin përgjithmonë. Jo. Pyetjet thelbësore janë: A kanë vlerë për tu hetuar? Po. A kanë dijeni dhe zyrtarë, politikanë të tjerë? Po. A ka folur ndonjëri prej tyre ? Jo! Përse nuk e ka bërë?! Një hamebdje është se heshtja është flori.
Por ne jemi në emergjencën kombëtare, ku për qytetarët aq sa jemi mbetur, denoncimi është flori, jo heshtja.
Kjo nuk është histori viktimash. Ahmetaj nuk po bënte viktimën për arsye individuale, kur tregonte kanosjen për jetën ndajj tij dhe familjes, tentativat e pengmarrjeve. Ai po tregonte me detaje të paditura nga mbi 95 përqind e shqiptarëve, se si ne jemi bërë viktima pa gojë.
Se si na rrjep çeta kriminale e Ramës. Se si janë bërë miliarderë dhe ku i kanë fshehur nëpër ofshorë në Qipro, Dubai, Zvicër, miliardat e vjedhura, banda e qeverisë. E SPAK deri tani nuk ka trokitur nëpër këto llogari, për sekuestrime.
Kallzimet publike, sidomos shoqëruar me dokumentacion të detajuar, janë mjaftueshëm raste të nisjes së hetimeve kryesisht. Të hetohen, ndëshkohen ligjërisht, t’u mrrren miliarda euro të denoncuarve të Ahmetajt, pastaj ushtria e pakënaqur opozitare, ta “vrasë” në fund Ahmetajn, ashtu si Ciklopi premtoi Odisesë, por më parë provoi verën e tij…
Deri atëherë Balluku-Rama për Llogaranë dhe AKSHI, dy organizata kriminale zyrtarisht, janë kallëzime të jo opozitarit Ahmetaj..Ramën duhet ta rrëzojë opozita dhe opozitarët, mos kërkojmë qeveri dhuratë nga Zvicra…
