Mbas vendimit të Gjykatës Kushtetuese që pezullon Dekretin e Presidentit Bajram Begaj për zgjedhjet në Bashkinë Tiranë, ka reaguar edhe kandidati i mbështetur nga opozita, Florjan Binaj.
Reagimi i plotë:
Miqtë e mi,
Zgjedhjet e pritshme në Tiranë janë vetëm hapi i parë në rrugën e gjatë që po nisim.
Kurdo që të caktohet votimi, ne do të marrim pjesë me vizionin dhe vullnetin tonë për ndryshim.
Deri atëhere ju ftoj të punojmë çdo ditë për të ndezur në mendjet dhe zemrat e qytetarëve besimin tek politika e ndershme, tek politika e punës, besimin se pushteti buron nga qytetarët dhe duhet të punojë vetëm për qytetarët.
Partia më e rëndësishme, partia më e fuqishme në botë është partia e qytetarëve.
Flori.
