Basir Çollaku/ Rama me biletë të prerë, alibi se po e largojnë si llafazan, e jo si shef karteli

Populli kujton një urtësi. Marrja fle, por i zoti nuk e le. Rama e di. Atij dhe çetës narcos, amerikanët kryesisht, por jo vetëm, ia kanë prerë biletën. Pa kthim. Udhëtimet tej oqeanit duket se kanë përfunduar për piktorin. Së paku me zyrtarët e administratës. Po përse kllounoset nëpër Evropë si pordha nëpër brekë?! Me një ngërdheshje e me çoraposje leksikore, do të marrë vëmendje e ndërtojë alibi. Të krijojë përshtypjen se po hakmerren ndaj tij për batutat komike, e jo lidhjet me baronët e drogës. Po. Është në sekëlldi të pashërueshme. Marrja e medies botërore të lajthitjes së Ramës, duke bërë kripë me fjalë e targetuar presidentin amerikan është shfaqja e asaj çka KM ka dijeni se është duke i ndodhur. Kujtoi se po fliste për Bajramin në Tiranë. Miliona euro lobim janë vetëm sforcim i inceneratorëve dhe termocentraleve tigra alla Kim-Balluku në Vlorë, për të shtrydhur ca pagesa matanë. Sapo gjezdisi përrallën e shpërblyer edhe nga Macron me një pëllëmbë qortuese live, vjen një xhevap i thatë e i hidhur amerikan. Një nga këshilltarët e mëparshëm të presidentit amerikan Donald Trump, poston në rrjete sociale foton e Edi Ramës dhe Charles McGonigal në zyrën me flutura të KM. Duke e shoqëruar me pyetjen se agjenti ryshfetmarrës u ndëshkua, po ryshfetdhënësi?!? Kjo dosje është rikthyer në hetim për histori abuzimesh e shërbimesh ruse e kineze, kundër SHBA.
Kthesa e madhe me dekretimin amerikan organizata terroriste të.karteleve të.drogës e bën kryeqeveritarin shqiptar një nga më të kërkuarit. Konkurenti global i Maduros i pagëzuar edhe në USA si Ramaduro ka hesape ndërkombëtare për të larë me drejtësinë. Inceneratorët, Tigrat, Sinaloa, Ndrangheta, Aruba, Sky-Enchochat, Shqiponja e Zezë, miliarda euro të trafikut të kokainës, të pastruara janë kapitullimi i pakthyeshëm i Edi Ramës. Mungesa në sesionin e 80 vjetorit të OKB nuk ishte pamundësi por frikë për befasi.
Po çfarë po gatuan Edi Rama??!
Ai e di se bileta është prerë për largimin e tij. Nuk është më partner i besueshëm i amerikanëve dhe disa evropianëve seriozë.
Lobimi marramendës për të takuar e darkuar me zv presidentin amerikan JD Vance apo sekretarin Marko Rubio, në shkurt 2025 në Mynih, dështoi nga ndërhyrja energjike në minutat e fundit e shefes së kabinetit të presidentit, Susie Wiles, teksa sms nga Shtëpia e Bardhë thoshte :” Ai është një bufon i Soros, qëndroni sa më larg..” Përpjekja e dytë ishte kur në tjetër samit në Evropë ku merrte pjesë presidenti Trump kordoni i sigurisë e kishte të qartë kush nuk do të afrohej aty. Ndonëse KM pak ditë më parë, priste vajzën e presidentit Ivanka Trump dhe bashkëshortin e saj Jared Kushner, duke ofruar tepsi investimesh. Ishte gati të.dorëzonte tapinë e Shqipërisë për një foto e dorëdhënie. Por damkosja ka bojë të rëndë. Kjo ka filluar në 2016 kur në CNN në USA Rama thoshte se zgjedhja e Trump president amerikan është një rrezik për botën. Ai do të bëjë gomarllëqe të tjera leksikore ndaj amerikanëve. Do ngërdheshet gjithandej. Me të vetmin synim. Të ndërtojë një alibi. Po më heqin si llafazan e jo si don i Mafias. Natyrisht kjo përpjekje do të ketë përballë publikime provash e faktesh të lidhjeve direkte e indirekte të Ramës me botën e keqbërësve. Do të jetë tabelë qitjeje. Kjo mesele nuk mbyllet me brekushe e atlete. Kontrollo llogaritë në ofshore ! Flirtet e pazaret me Soros. Miliardat me kokainën. E shkuara nuk blihet. Nuk mjaftojnë narcopasuritë.