Kreu Legalist, Shpetim Axhami përkujton:
🔴 Masakra e Buzmadhes, terrori i kuq komunist në veri të Shqipërisë, që lidhet me të njëjtën logjikë gjakatarësh deri tek masakra e Tivarit.
Një luftë civile, e nxitur e e shitur për pushtet, kundër nacionalizmit dhe bashkimit të trojeve tona etnike 🇦🇱.
Më 26 shtator 1944, forcat e Brigadës V partizane kryen një akt barbar në fshatin Krue e Bardhë (Kukës), ku u ekzekutuan pa gjyq 21 banorë nacionalistë antikomunistë të Buzmadhes, krahinë e njohur për mikpritje, besë e tradita patriotike në luftë kundër sllavëve dhe çdo pushtuesi tjetër.
Për të mbjellë terror dhe për të nënshtruar veriun, kjo trevë duhej goditur. Masakra e Buzmadhes mbetet një nga ngjarjet më të dhimbshme të historisë sonë, ku shqiptari vrau shqiptarin, i shtyrë nga ideologjia komuniste sllavo-ruse dhe interesat e atyre që kurrë nuk donin një Shqipëri të fortë e të bashkuar.
Viktimat ishin nga 19 deri në 53 vjeç.
14 prej tyre ishin nga fisi i njohur Lala.
Lista e martirëve të kësaj masakre:
1.Tahir Ali Lala, 19 vjeç
2.Imer Etem Lala, 24 vjeç
3.Sul Etem Lala, 27 vjeç
4.Ramiz Sali Lala, 30 vjeç
5.Nuhi Musë Lala, 35 vjeç
6.Arif Tahir Lala, 36 vjeç
7.Muharrem Habib Lala, 37 vjeç
8.Cen Mexhit Lala, 39 vjeç
9.Mehdi Rexhep Lala, 39 vjeç
10. Zenun Habib Lala, 40 vjeç
11. Rakip Ramadan Lala, 40 vjeç
12. Rexhep Ramadan Lala, 45 vjeç
13. Qazim Selim Lala, 45 vjeç
14. Dan Rexhep Lala, 53 vjeç
15. Sulejman Hasan Vellku, 45 vjeç
16. Riza Halim Hoda, 45 vjeç
17. Zylbehar Nuhi Bresa, 22 vjeç
18. Jemin Hakik Bresa, 37 vjeç
19. Isak Islam Bresa, 23 vjeç
20.Qamil Shivar Tola, 42 vjeç
21. Arif Ramadan Mata, 47 vjeç
E pafalshme mbetet fakti që, edhe pas 35 vitesh pluralizëm, viktimat e komunizmit ende nuk kanë marrë vlerësimin dhe nderimin e merituar. Shumë prej tyre të zhdukur, pa një varr, ndërsa krimet e komunizmit nuk kanë marrë as sot dënimin historik e moral që meritojnë.
I përjetshëm qoftë kujtimi i martirëve nacionalistë antikomunistë të Buzmadhes!
