Basir Çollaku/ Veliaj negocioi me Ramën amnistinë, jo bashkinë

Kur Veliaj vazhdonte korrupsionin ditë pas dite e vit pas viti, këshilltarët socialistë squkeshin dhe nuk hapnin gojë. Madje edhe kur nuk i konsideroi asnjërin por firmosi për inceneratorët në emër të tyre askush nuk zukati. Kur Rama e mbante ende varur në një fije të hollë mbështetjeje ata u trinëruan rreth tij. Vajtën deri në atë çmenduri sa rrethuan Prokurorinë dhe Gjykatën e Posaçme duke kanosur institucione të sigurisë dhe zyrtarët publikë. Deri në atë derexhe sa policia njoftonte se nuk kishte dijeni për një protestë pranë gjykatës dhe nuk gjeti mundësi ndërhyrjeje. E gjithë kjo komedi e zezë luhej dhunshëm me porosi e leje të Edi Ramës.
Dhe vjen një ditë
Pilafi kishte marrë aq ujë sa po kapërcente edhe supën. Fatet hetimore kërkonin të pandehurin aty ku duhej. Kodet e kërcënimeve Rama-Veliaj ishin përpëlitje për të shpëtuar diçka. Një marrëveshje. Shkarkimi dihej. Nuk i dhanë leje të paraqitej. Nuk na duhesh se të shpëton padashje ndonjë fjalë e pakujdesshme. Pastaj nis Gjykata Kushtetuese. Ka kohë për zgjedhjet. Politikisht është një ngordhje e urdhëruar.
Çfarë po piqet përtej?!
Çfarë di dhe çfarë ka bërë Veliaj për dhe me Ramën?!
Janë të dy “vëllezër” të Aleks Soros, sipas deklarimeve publike, pra kanë një “baba” Xhorxh, si kujdestar shpirti.
Kanë bërë inceneratorin e Tiranës bashkë duke firmosur bashkë
Kanë vjedhur vota për çdo palë zgjedhje bashkë
Kanë dhënë leje ndërtimi për miliona metër katror në Tiranë bashkë. Këto sipërfaqe janë adresa e pastrimit të miliarda eurove.
Kanë sajuar drejtësinë e re duke dhënë racione jo të pakta bashkiakut Veliaj
Kanë lobuar e paguar, urdhëruar, shkelur ligjet kundër opozitës, bashkë
Kanë sajdisur diplomatë e ambasadorë, duke i korruptuar me financa, dashnore e dashnorë, bashkë.
Kanë bërë bashkë agjendën gjinore soros allasoj, duke martuar gratë me gra, e burrat me burra.
Kanë dhënë tendera klientëve të porositur dhe këtë e kanë bërë bashkë
Sa ministra e deputetë, zyrtarë drejtësie e policie, apo politikanë ndoshta edhe matanë gardhit politik, janë respektuar me leje e bereqet ekonomik.
Por në mandatin e katërt Rama nuk do t’ia dijë më për askënd. Sepse jo suksesi por telashet janë shtuar dukshëm. Veliaj ishte kurbani i domosdoshëm. Së paku politik. Se financiar duhet parë. Rama dëshmoi se urdhërat e tij janë mbi drejtësinë. Nëse do të ishte ndryshe, drejtësia e pavarur duhej të kishte marrë të pandehur të dy bashkiak e kryeministër, së paku tre apo katër vite më parë. Veliaj në lutjen e para dy ditëve si dele e burgosur, shfajësonte kasapin e tij. Ka hallin e vëllait, bashkëshortes. Ndoshta dhe një dalje e butë është dakortësuar. I burgosuri negocion me shefin amnistinë për shumë vepra të lëna mënjanë, e jo bashkinë. Dërgimi i Gjushit për një kafe qelie, ishte oferta dhe modeli. Veliaj është siguruar me bindje për diçka.
SPAK nuk do ta hetojë për:
Inceneratorin
ECO Tiranën
Shembjen e Teatrit Kombëtar
Lejet e ndërtimit për Ndranghettën dhe mafiozët pastrues parash
Përqindjet për të quajturat banesa sociale, gjobat ndaj ndërtuesve
Tenderat e mëdhenj ku përfshihet edhe unaza 22 milionë euro kilometri
Pyllin orbital me miliona pemë !!
Për këtë është i qetë. Këtë ia ka siguruar Rama. Sepse në këto dosje Rama është i pandehuri i parë, Veliaj i dyti. Për këto e ca të tjera, ka prangosur KM të pavarurit e Prokurorisë dhe Gjykatës së Posaçme…