Basir Çollaku/ Yuri, njeriu i barit të Ramës

Në mandatin e katërt Rama sajoi një diellë për të lënë dynjanë të ngrohet në diellë e për të trashur zullumin tej hamendjes së gjithkujt. Në Evropë falë shoqnisë “soros” ka ujdisur shumë heshtje. Halli mbetet matanë oqeanit. Në OKB dërgoi Mamicën me një nga firmëtarët e kafshimit të pronave të ushtrisë. Dhe haberet thonë se ish-ambasadoresha Yuri Kim, ka zgjedhur pensionin në këmbim të mos-hetimit. Kusure për të ka jo pak në Shqipëri. Duke ditur fuqinë vëllazërisë së kryeministrit me Xhorxh dhe Aleks Soros, ku Blinken ishte vetë vartës i tulatur i tyre, Yuri zgjodhi të bëhet lepe-peqeja e Ramës në Tiranë.
Kështu u hodh në krahët e pushtetit.
Bënë të quajturën reformë në drejtësi duke ia dorëzuar një individi të plot akuzuar për krim dhe korrupsion
Nisën sulmin e organizuar kundër opozitës
Yuri shëtiste në Prokurori dhe Gjykata për të zarfuar vendimet në harmoni me stomakun e Kryeministrit. Morën vulën PD. Nënshtrimi shkoi në atë shkallë se në oborrin e PD ambasadoresha Kim recitoi sloganin enverist, silluni siç ju them unë se ju pret barngrënia. Shkonte e tufëzonte rregullisht prokurorë e gjyqtarë specialë duke i mbështetur sipas vijës së partisë pushtetmbajtëse. Ushtarët e “soros” pushtuan parinë e drejtësisë. Loboi të.dekoronte kampion Dvoranin me 100 milionë lek harresë burimore në vetting. Kontrolluan vettingun me porosi. ONM u zgjodh në shumicë një turrë mediokrish, disa prej tyre të dënuar ndërkombëtarisht dhe akuzuar nga britanikët e Eulex. Rivlerësimin si mbikqyrje ua ia dhanë një kompanie austriake kanalizimesh ku austriaku Sebastian Kurtz një tjetër emër lidhur me korrupsion kishte 40 përqind të biznesit. Takimet me oligarkë e shëtitjet e hareshme me to ishin jo thjesht turizëm. Charles McGonigal, nën “padijeninë” e Ambasadës u kthye me ekipin e tij shqiptaro-ruso-kinez, në një çifte të KM për gjobëvënie kundër biznesit, njerëzve të drejtësisë e politikës. Përfaqësues amerikanë shkonin në prokurori e kërkonin arrestimin e Bashës dhe Berishës. Pastaj mbrojtjen e njërit e sulmin ndaj tjetrit sipas skemës qeveritare. Tigrat 1 e 3 në Vlorë kishin ambasadoren vizitore të interesuar. Dhe kjo është një dosje me rrënjë të thella ndërkombëtarisht. Së paku 100 mijë dollarë fluturojnë të plaçkitura nga paratë publike prej kësaj zdërhallje. Belinda si dorë e parë e ndikimit e di mirë kush janë xhepat përfitues. Vërtitej hareshëm me Etildën, Belindën, Elisën, e sojnike të tjera mediatike e politike sipas kalendarit hënor. Sheqerosej me Erion Veliajn më të akuzuarin e shumëfishtë për korrupsion, duke shërbyer si një imazh mbrojtjeje të shpeshtë. Dhe vjen një ditë. Bari në këtë dynja është ndoshta malli i fundit në mbarim. Duke kundruar me ironi fatin i bie të thuash..bar do të hamë dhe hetime nuk do të pranojmë. Ajo është një dëshmitare e asaj çka Rama ka bërë edhe kundër amerikanëve. Pensioni quhet ndryshe gëzimi i pleqërisë. Zoti e bekoftë Amerikën. Sepse edhe kur gabon ne na bën mirë, por dhe kur korigjon të vetat, sërish vetëm mirë përfitojmë..Po të pyesësh Ramën, bari nuk është gjithmonë i gjelbërt…