Bledian Koka/ Gjithësekush opozitën e vet!

Kam lexuar sot jo pa shqetësim një seri kritikash për punën e opozitës, performancën e saj në parlament, paqartesinë për ravijëzimin e ndarjes emërore të atij pak përfaqësimi institucional që opozita ka e deri tek thikat kundër njeri-tjetrit poshtë e lart brezit për pozicione, gara apo kandidime potenciale. Ambicja nuk është herezi, krahasimet se ndoshta “unë jam më i mirë se ai” janë të mirëkuptueshme, mosbesimi se a është opozita në rrugën e duhur është domosdoshmëri për ta bërë më mirë atë që sot është kaq e vështirë!
Vetëm se opozita nuk është inat me njeri-tjetrin, por mllef me atë që qëndron përballë. Të rezistosh në këto kohë nuk është romantike, të dorëzohesh është kaq e lehtë. Pasi ke lënë 12 vite pas dhe shikon që ato 4 përpara mund shndërrohen në 40, nuk është shaka. Eshtë paralajmërim! Për më tê keqen, për më të pariparueshmen, DOREZIMIN! 700 mijë qytetarë të këtij vendi, edhe pas gjithë këtij kalvari, votuan që ky vend të ketë opozitë. Kjo është SHPRESA. Unë e kam vendosur që të jem në opozitë me Edi Ramën. Për këtë s’më është dashur asnjëherë as post, as ofiq. Punën si gazetar e kam ndërtuar me thonj e nuk ma ka fal njeri. Vullnetin për të folur çdo ditë kundër bandës së hajdutëve të Edi Ramës, e konsideroj si asetin më të çmuar që ruaj në vetvete. Sa herë kam frustracionet e mia, më ndodh që dikush më ndalon në rrugë e më thotë “të lumtë goja”, dikush më tej më shikon në rrugë dhe më buzqesh në heshtje si inkurajim për ato që them. Kurrë s’më ka ndodhur të më kritikojë njeri për atë që them. A po, ka nga ata që më “këshillojnë” të mos jem “aq i ashpër” në fjalosjet e mia aty ku mundem, e si të mundem. Opozita nuk është emërim, por vetëdije. Pushteti po. Mua nuk më duhet një parti nga mbrapa për të thënë atë që mendoj, por edhe partia nuk shuhet po nuk fola unë. Kush e shikon veten të domosdoshëm, duhet të kuptoj se ai i duhet vetëm qenies së tij. Opozita nuk është pronë e askujt, por pasuri e gjithëkujt! Opozita është të duash dhe tê mundesh
p.s…lum kush do, e lum kush mundet!