Basir Çollaku/ SPAK dhe drejtësia, ekrani i fundit që po mbyll Rama

Ka reagime shumë e transparencë të pamjaftueshme rreth asaj çfarë po ndodh me fabrikën e armëve dhe mbylljen e news 24 për shkaqe godine më tepër se mëkate të tjera të paditura ende, detyrimesh financiare apo ligjore. Kjo është histori e gjithë medieve me dallgëve të informalitetit, por amnistia jepet me qera nga pushteti në këmbim favoresh të bishtkrehjes.këtu janë në radhe kombëtarë e ndërkombëtarë. Por bie në sy heshtja e pronarit?!?! Opozita dhe PD reagojnë më së shumti për fenomenin ndonëse aty ka edhe histori pronësisë së tokës ku pronarët janë të pushtuarit e mëdhenj nga “liria e fjalës” sidomos në pellgun ku shtrihen shumë televizione privatizuese të ndërtesave dhe trojeve. Përtej këtyre zhvillimeve kjo rrëshkitje është një dhunë ku bashkëautor është KM me botuesin pranues të viktimizimit. Me gjithë grafikun jo fort të suksesshëm kundër Ramës dhe qeverisë, dy vite më parë ajo frekuencë ishte 50 me 50 Rama me Veliajn dhe ndonjë ditë pushimi në thatësirë lajmesh, shfaqej edhe opozita. Beteja shkon përtej. Shenjestrën, KM e ka te “mbyllja e ekranit të SPAK e drejtësisë” Ky është ekrani transmetuesi publik nga vinë lajmet me qeder për kreun e qeverisë. Aty shfaqet skaneri i punëve të tij të zeza. Aty dalin lidhjet me krimin. Zbardhet Korrupsioni. Zbulohet me emra ortakëria me Mafian. Mungesa e pavarësisë së Strukturës së Posaçme është reflektuar në shumë dosje. Të hetuara dhe të fjetura. Në muajin e fundit dy grupe kriminale goditura nga ndërkombëtarët me dijeninë e përfshirjen fundore të SPAK flasin për miliarda euro investime e pastrime parash. Ky është alarm amerikan e ndërkombëtar për Ramën, lejuesin e kësaj vepre. Këshilli i Lartë i Prokurorisë dhe Këshilli i Lartë Gjyqësor janë pa gojë përballë KM. Kur ai poshtëron dhunshëm prokurorë e gjyqtarë publikisht ata heshtin. Rastet e prokurores Elsa Gjeli e gjyqtarit Hazbi Balliu janë prova se KLP e KLGJ janë kthyer në godina vakie sipas porosisë së Ramës. Mandatet e prokurorëve të Strukturës së Posaçme dhe zgjedhja e drejtuesit tjetër me mbarimin e mandatit të Dumanit janë gjella e gatuar sërish në mazhorancë. Kjo kapje është instalim. Kodi Penal si draft është paradhoma.
Po ciilët janë lajmet e ekranit të heshtur të SPAK dhe drejtësisë dëshmuese të një mbylljeje të këtij operatori publik ligjori?!?!
Janë pafundësisht shumë. Por kryesisht janë dosjet e Inceneratorit, Teatrit, 5D, ndërtimeve të Ndranghettës, investimeve strategjike sidomos në bregdet, udha Thumanë Kashar, Aeroporti i Vlorës, Tuneli i Llogarasë, Rruga e Arbërit, Anijet e energjisë në Vlorë, tenderat e AkSHI, koncensionet në shëndetësi e energji. Dosjet e sky-enchro ku janë deputetë ministra. Dosja e agjentit të FBI Charles-McGonigal rihapur në USA, e Xibrakës, e bandave elektorale të gjithë qarqeve në vend, e Sinaloa. Dosjet e shumta përcjellë në Strukturën e Posaçme nga DEA, DIA, Eurojust, Europol. Nga raporti në Kongresin amerikan për Soros-drejtësinë në Shqipëri si instrument në duart e Ramës. Me kapjen e Gjykatës Kuhstetuese ku propozimi e votimi i Genta Bungo Tafa ish-drejtuese e Komisionit të Pavarur të Kualifikimit me telashe të shumta në dosjet e punës. Me frenimin e nisjes së ndjekjes penale për ministrat, Ballukun, Gjiknurin, Ballën, Maznikun, Gonxhen, Vengun, Kumbaron, Peleshin, Manjen, Hoxhën, Krifcën, Koordinatorin, pa shtuar ata të dënuar dhe në qeli. Sepse çdo dosje e hapur e tyre nuk mbyllet pa shkuar tek Rama. Pa marrë atë të pandehur. Ndaj mbyllja e ekranit të SPAK dhe drejtësisë është mbyllja e fundit ku po vrapon Rama. Të tjerat i ka mbaruar…Se mos prisni reshje shpëtuese ndërkombëtare..