Inspektori hero i Policisë së Fierit, Klajdi Mustaj ka qenë student i ekselencës në degën “Kriminalistikë” në Universitetin Ndërkombëtar të Strugës.
Faktin e pohon ish pedagogu i tij në këtë universitet, profesori Albano Zhapaj.
Profesor Zhapaj i kontaktuar nga Neutrale duke na falënderuar për interesimin tonë si media, na komfirmoi se Klajdi ka qenë student në Strugë të Maqedonisë së Veriut prej vitit 2018 deri në vitin 2021, ku edhe është diplomuar në shtator të atij viti.
Klajdi ka qenë atje me disa të rinj të tjerë nga Fieri, që studionin së bashku, 3 të rinj ng Roskoveci dhe 2 nga Cakrani.
Klajdi ka qenë student i përkushtuar, ishte pjesëtar aktiv në të gjitha leksionet, seminaret dhe praktikat e kriminalistikës.
Kemi komunikuar këto ditë me mjaft kolegë dhe drejtues të Universitetit Ndërkombërar të Strugës dhe gjesti profesional dhe njerëzor i Klajdit nuk ka kaluar pa prekur edhe krenarinë e këtij institucioni. Mediat strugane i kanë bërë jehonë të riut që e patën mysafir dhe qytetar të tyre për plot tre vjet.
Universiteti Ndërkombërar i Strugës shumë shpejt pritet të nderojë me një çertifikatë speciale policin Klajdi Mustaj dhe ti ofrojnë një bursë të plotë studimi për programin Master Shkencor në Krilinalistikë.
