Dr. Ndue Cara u kujdes dhe fitoi beteja për mijëra pacientë gjatë punës së tij si mjek, por humbi betejën me sëmundjen e rëndë të tij.
Dr. Cara iku në amëshim, por ka lënë pas një trashëgimi të çmuar si mjek dhe drejtues institucioneve publike.
Ndue Cara shërbeu si kryetar i Bashkisë Pukë në 2000-2003, ndërkohë që ishte ndër të paktët kryebashkiakë që qëndroi në Pukë edhe pas përfundimit të mandatit. Ai vijoi të kontribuonte në shërbimin shëndetësor duke vizituar pacientë edhe nga zyra e tij si kryetar bashkie.
Më vonë Dr. Nue sikurse të gjithë e thërrisnin u zgjodh kryetar i komunës Gjegjan duke mbetur sa pushtetar aq edhe mjeku i të gjithëve.
Edhe në moshë pensioni, ai nuk u shkëput nga mjekësia duke i qëndruar besnik betimit të Hipokratit në profesionin human.
Ngushëllime familjarëve dhe miqve!
