Pas një shkëputje disa javore nga aktiviteti parlamentar për shkak të fushatës elektorale të zgjedhjeve të 11 majit, deputetët e kësaj legjislature rikthehen nesër në parlament.
Në orën 10:00 është parashikuar Konferenca e Kryetarëve, e thirrur nga kryeparlamentarja Elisa Spiropali, ndërsa në orën 12:00 pritet të nisë seanca plenare.
Në Konferencë pritet të diskutohet për kalendarin e punimeve të kuvendit për periudhën 29 maj – 8 korrik 2025.
Sipas kalendarit zyrtar, do të bëhen raportimet vjetore të të gjitha institucioneve publike, përfshirë edhe ato të drejtësisë.
Është Gazment Bardhi, Kryetar i Grupit Parlamentar të PD që përmes një mesazhi drejtuar deputetëve të PD, shprehet se do të bëjnë gjithçka për të paraqitur faktet e plota për farsën elektorale të 11 Majit.
Mesazhi i Bardhit:
“Të nderuar kolegë,
Nesër ora 12:00 është seanca plenare e Kuvendit, në të cilën do të marrim pjesë dhe do të bejmë gjithçka për të paraqitur faktet e plota për farsën elektorale të 11 Majit. Ju përshëndes!”
