Qenka njoftuar një mbledhje e përbashkët e dy qeverive në Prishtinë nesër. Kurse sot, patjetër do takohet me veteranët. Nisur nga qëndrimet e fundit të Ramës në raport me BE-në dhe Serbinë, nisur edhe nga intervista e tij para do ditësh dhënë një gazete të rëndësishme “Politika.eu” në mos gabohem, kam përshtypjen se do ushtrojë trysni ndaj udhëheqjes së Kosovës dhe do mundohet t’i përçajë në lidhje me “Open Ballkanin” e tij dhe Vuçiçit, derisa të krijoje situatën politike atje për të kryqëzuar Albin Kurtin. Kjo vizitë ka si synim përçarjen.
I ka mundësitë, me gjasë, të lëshoje helm në politikën kosovare, sepse e gjenë të nisur mosmarrveshjen. Janë veteranët e UÇK-së që po luftojnë me qeverinë për shpërblime më të larta (a thua se luftuan për këtë punë!) duke e kërcënuar me protesta dhe i shkon për shtat Ramës kjo puna e veteranëve me “partizanë” të shumëfishuar. Meqë ra fjala, sipas mendimit tim, meritojnë trajtim financiar vetëm invalidët e luftës dhe jetimët (fëmijët që kanë humbur prindërit në luftë), të tjerët t’i futen punës si të gjithë shqiptarët e tjerë se e kanë patur dhe e kanë detyrë të luftojnë për atdheun.
Por meraku i Ramës, dihet, është “Open Ballkani” dhe të bindi qeverinë Kurti të marr pjesë. Dyshoj se pas kësaj vizite, do ketë zëra për të marr pjesë, megjithse deri tani ka qënë unison politika kosovare. Sinjalin e dha Enveri (Hoxhaj) në një intervistë këto dit.
Para Europianëve e justifikoi Vuçiçin dhe Serbinë për të gjitha qëndrimet e saj në raport me Rusinë, në mënyrën më të mirë të mundëshme. As Vuçiçi nuk i bënte vetes një mbrojtje të tillë.
Po ju përcjell deklaratat e Ramës në intervistën që përmenda më lart. Po e përcjell edhe për shqiptarët e Kosovës:
Rama tha: “Duhet të kuptoni se Serbia është në një pozicion shumë të ndryshëm nga shumë të tjerë, për shkak të historisë së saj, për shkak të lidhjeve të veçanta me Rusinë”. Vendosja nga Serbia e embargos ndaj Rusise “Është vetëvrasëse për ekonominë e tyre.”. Mos u çuditni!, Rama i ka thënë ë, nuk i ka thënë Vuçiçi .
Rama tha: “Ne ndonjëherë duhet të durojmë me të tjerët dhe të kuptojmë se çfarë po ndodh, përndryshe nuk mund ta mbajmë këtë komunitet të bashkuar për qëllime më të larta dhe më të mira,”- e ka fjalën për “open ballkanin” si qëllim i lartë. Pra sipas Rames per qellime me te larta duhet te lejohet Serbia dhe padroni i tij te shkelin embargon dhe te ndihmojne Rusine ne agresionin e saj ndaj Ukraines.
Rama i bën presion Europës për Serbinë: “Presioni i tepruar i Perëndimit ndaj Serbisë është shkatërrues për stabilitetin e Ballkanit Perëndimor”, dhe se “ skenaret e tjerë janë vërtet shumë të këqinj për të gjithë dhe veçanërisht për këtë rajon”.
Rama pra, do na shesi patriotizëm sot dhe nesër me takime e mbledhjen e përbashkët, por me THIKË pas shpine . Do ju thotë se “open ballkani” është e ardhmja e Rajonit.
Po për varret masive do flasi në Kosovë ky miku i ngushtë i Vuçiçit?
Po për 2000 gra të përdhunuara e 1500 fëmijë të vrarë nga makineria kriminale serbe e Millisheviçit të Vuçiçit, do u thotë gjë për hir të miqësisë së tij me to?
Po për 1500 të zhdukurit do tu flasi sot Rama si mik i ngushtë i Vuçiçit?
Po se qysh mund të ulet Kosova në një tavolinë me Serbinë “për punë të mira” sipas “open ballkanit” pa e njohur Serbia, do thotë gjë ky si mik i ngushtë i Vuçiçit?
Po për betimin që bëri Vuçiçi se Kosova do jetë Serbi, do foli gjë ky si mik të ngushtë që e ka?
Apo do justifikohet se “na keqkuptojnë serbët” prandaj ti harrojmë masakrat, vrasjet, zhdukjet, përdhunimet e 2000 grave e vajzave kosovare. Të rroj “Open Ballabani!”
Sot dhe nesër në Kosovë është një sharlatan, një antikombëtar i hapur si “open ballkani” që duhet përzënë nga Kosova sa pa futur përçarjen…
