Si të planifikoni një udhëtim të paharrueshëm në Ravena
Nga Firence dhe Romë, në Positano dhe Capri, Italia është shtëpia e shumë destinacioneve, që duhen vizituar. Sigurisht, Italia ka gjithashtu shumë vende më pak të vizituara, duke filluar nga fshatrat majë të kodrave, deri tek ato bregdetare.
Ndërsa Ravena njihet nga shumë, nuk është një ndalesë e nevojshme as në shumicën e rrugëve turistike – dhe ky qytet i bukur në verilindje të Italisë, ofron shumë arsye që turistët të bëjnë një rrugë të tërthortë nga Bolonja, për disa ditë.
Ravena, pranë vijës bregdetare të Adriatikut të Emilia-Romagna, ish-kryeqyteti i Perandorisë Romake Perëndimore, është e pasur me histori dhe arkitekturë të bukur e të larmishme, që pasqyron pushtimet e shumta që qyteti ka përjetuar.
Përveç monumenteve pjesë e UNESCO dhe mozaikëve, vizitorët mund të përjetojnë mikpritjen e vërtetë dhe ushqimin dhe verën e shkëlqyer.
Për të ndihmuar në planifikimin e një udhëtimi të jashtëzakonshëm, në këtë destinacion të pasur me trashëgimi kulturore e historike, tre ekspertë vendas tregojnë për të gjitha gjërat më të mira për të ngrënë, pirë dhe parë në Ravenna, Itali.
Mausoleo di Galla Placidia
Nga të gjitha monumentet pjesë e UNESCO në qytet, Mausoleo di Galla Placidia duhet të jetë absolutisht në krye të listës.
“Është një shembull i bukur i arkitekturës së hershme të krishterë: i përulur dhe i thjeshtë nga jashtë, por ruan aq shumë pasuri nga brenda,” shpjegon Francesco Antonelli, një guidë turistike me bazë në Ravena.
“Çdo centimetër i ambienteve të brendshme është i zbukuruar me mozaikë të çmuar të ndriçuar nga një dritë e butë, mistike që nxjerr në pah nuancat indigo të qiellit me yje të kasafortës së hyrjes.”
Varri i Dantes
Pas shumë vitesh mërgimi, Dante Alighieri mbërriti në Ravena në vitin 1318. Pikërisht këtu ai shkroi “Parajsën”, pjesa e tretë dhe e fundit e “Komedisë Hyjnore”.
Kur poeti italian ndërroi jetë, në vend që të dërgonte eshtrat e tij në Firence, fretërit françeskanë e varrosën në një mauzoleum të vogël pranë Bazilikës së San Franceskos.
Bazilika e Sant’Apollinare Nuovo
“E konsideruar gjerësisht ndër kishat më interesante në rajon, Basilica di Sant’Apollinare Nuovo tregon historinë e trazuar midis shekujve V dhe VI para Krishtit,” shpjegon Antonelli.
Ajo u ngrit nga mbreti ostrogotik Teodoriku i Madh, në shekullin VI, dhe më vonë u shndërrua në një kishë katolike. Brenda vendit të ruajtur nga UNESCO, gjeni mozaikë historikë, që përshkruajnë skena fetare.
Dimensione Mosaico
Mozaikët janë një pjesë kaq e rëndësishme e trashëgimisë artistike të Ravenës, dhe vizitorët mund të mësojnë për këtë traditë të gjatë, në një mënyrë praktike.
Klasat në Dimensione Mosaico, u mësojnë pjesëmarrësve të të gjitha moshave, teknikat e duhura për të krijuar vepra të bukura arti.
Bazilika e San Vitale
Një nga vendet më emblematike të Ravenës dhe një shembull i qëndrueshëm i artit dhe arkitekturës bizantine të hershme të krishterë, Bazilika di San Vitale e mbrojtur nga UNESCO, është një kishë e shekullit VI, që ia vlen të vizitohet, për të admiruar pamjen e jashtme tetëkëndore dhe mozaikët shumëngjyrësh, që zbukurojnë brendësinë.
Restorantet dhe kantinat më të mira në Ravena
Disa nga restorantet dhe kantinat më të famshme në qytet, janë Antica Trattoria al Gallo 1909, Osteria del Tempo Perso, Ca’ de Ven, L’Acciuga Osteria, Trattoria Ristorante Al Rustichello, Tenuta Uccellina, Azienda Agricola Randi, Zinzani Vini. / Travel+Leisure
