Sipas lajmeve zyrtare të Kishës së Greqisë dje, “Kryepeshkopi i Athinës dhe gjithë Greqisë, z. Jeronimos, u takua sot me z. Petros Beleris, djalin e kryetarit të zgjedhur të Bashkisë së Himarës, Dionisios Fredi Beleris, i cili që prej datës 12 maj 2023 mbahet në burgjet e Tiranës dhe që nga e enjtja, 25 maj, është shtruar në spitalin e Tiranës.
Fortlumturia e Tij u njoftua nga z. Petros Beleris për gjendjen shëndetësore të babait të tij dhe shprehu mbështetjen e tij njerëzore. Vuri në dukje gjithashtu se kjo është një çështje jashtëzakonisht delikate dhe ka të bëjë me të drejtat e pakicave etnike në Shqipëri, prandaj dhe ai do të komunikojë në udhë kompetence me Ministrin e Punëve të Jashtme (të Greqisë) dhe me Kryepeshkopin e Tiranës dhe gjithë Shqipërisë, z. Anastasios” (30 maj 2023).
Në këtë njoftim të thukët dhe diplomatik, ku përmendet Shqipëria dhe jo Vorio Epiri, përcillet çështja në organet kompetente të shtetit grek: Ministria e Jashtme dhe ambasadori de facto i Greqisë në Shqipëri, z. Janullatos.
Krahasoni deklaratën zyrtare të Kryepeshkopit të Greqisë mbi Belerin, me deklaratat e Sali Berishës, Ilir Metës, Tritan Shehut, etj., të cilët kundërshtojnë arrestimin e Fredi Belerit dhe kërkojnë lirimin e tij…
* * *
Lajmi në faqen zyrtare të Kishës së Greqisë
Ο υιός του Διονυσίου Φρέντι Μπελέρη στον Αρχιεπίσκοπο (30 maj 2023):
https://www.ecclesia.gr/epikairotita/main_epikairotita_next.asp?id=3561
____________
FOTO: Faqja zyrtare e Kishës së Greqisë.
