Prokurori Altin Dumani ka marrë një votë më shumë se kolegu dhe rivali Kondili duke u zgjedhur kështu në krye të SPAK.
Pas më shumë se 5 orë e 30 minuta pyetje përgjigje me të tre kandidatët, Këshilli i Lartë i Prokurorisë ka zgjedhur si kreun e ri të SPAK Altin Dumanin me 5 vota. Të 10 anëtarët, pasi njëra prej tyre u tërhoq nga votimi se gjendej në kushtet e konfiktit të interesit e zgjodhën fituesin që në raundin e parë të votimeve.
Një surprizë e fortë ishte pjesmarrja e ambasadores amerikane Yuri Kim gjatë një pjese të procesit kur pyetjeve po i përgjigjej Edvin Kondili. Pasi doli nga salla ajo deklaroi “është e rëndësishme për personin që do të përzgjidhet, për faktin se ai person do ta kuptoj nëse ai është zgjedhur në bazë të kritereve, apo në bazë të kërcënimeve dhe favoreve, në këtë mënyrë ai do të ndiejë se i detyrohet dikujt. Kushdo që zgjidhet duhet të marrë në konsideratë faktin se pronari i vetëm është ligji. Erdha këtu se në këtë kohë ma lejonte agjenda ime, ky është mesazhi im”.
Kandidatët morën vota si më poshtë:
Adnan Xholi 1 vote
Altin Dumani 5 vota
Edvin Kondili 4 vota
