Shqipëroi Aida Meti
Legjenda thotë se në vitin 1975, ylli legjendar i filmit meksikan, María Félix, shkoi në dyqanin Cartier në Paris me një foshnjë krokodil dhe një kërkesë shumë të veçantë.
Felix donte që argjendaritë e markës të kopjonin fytyrën, kokën, trupin, këmbët dhe bishtin e krokodilit sa më afër që të ishte e mundur në një gjerdan të veçantë për të.
Me kërkesë të María Félix, Cartier krijoi një nga bizhuteritë më ikonike në botë.
Dizajni përbëhej nga dy krokodilë të ndërthurur që mund të visheshin edhe si karfica.
Një nga krokodilët ishte punuar me ar të verdhë 18 k dhe i vendosur me përpikëri me diamante të zbukuruara të verdha intensive që peshonin 60,02 karat në total.
E dyta ishte gdhendur në ar të bardhë 18 k dhe ishte e vendosur me smerald për një total prej 66,86 karatësh.
Sytë e krokodilit janë vendosur me rubin për njërin dhe smerald për tjetrin duke u bërë një nga pjesët më ikonike dhe unike në botë.
Maria Felix-it e pëlqeu atë dhe e veshi atë pjesë mistike për vite me radhë.
Sot, ai gjerdan origjinal është pjesë e koleksionit Cartier të bizhuterive të shkëlqyera të markave historike.
