Nën shembullin e bashkisë Tiranë edhe Bashkia e Kolonjës me qendër në Ersekë ka nisur sot koncerte festive.
Jo se nuk duhen aktivitete kulturore e muzikore, por koha, kur vendi dhe familjet shqiptare janë në zgrip të mbijetesës, të shpenzosh ato pak fonde për koncerte festive duket paradoksale.
E në kulmin e kësaj krize, në Ersekë, bashkia organizon një koncert show me këngëtarin e madh Aleksandër Gjoka.
Burime nga ajo bashki na informojnë se ky aktivitet do të kushtoi 1.2 milionë lekë të reja.
Buxheti total i bashkisë Kolonjë për vitin 2022 është rreth 2.5 miliardë lek të vjetër dhe çdo qindarkë aty mbetet e shtrenjtë.
Aq më tepër që koncerti zhvillohet pa ndonjë rast.
Gjithësesi Aleksandër Gjoka është një këngëtar i madh, por pjesëmarja është për të ardhur keq, na shkruan një dëshmitar okular.
Kolonjarët nuk kanë braktisur këngëtarin, por skamja dhe varfëria janë shkak që ata të mungonin.
Njerëzit akoma s’kanë zbritur nga mali seose ndodhen duke mbledhur bimë medicinale dhe të tjerët janë të larguar jashtë shtetit, shkruan banori i zonës.
Ndërkohë në situatën më të keqe ekonomike për kolonjaret, kryetari bashkisë organizon evente dhe koncerte për të kënaqur ndjekësit e partisë dhe ata pak rrogëtarë shteti që ende janë në ato zona.
Pjesa dërmuese e qytetit vuan mungesën e druve të zjarit , kryetari le të bllokuar shpërndarjen e tyre deri sa keshilli bashkiak të vendosë tarifën e re të druve që nënkupton “rritje çmimi ”.
Për banorët e njërit ndër qytetet më të ftohta të vendit ndërthuret acari i dimrit me skamjen.
Kryetari artdashës organizon “aheng” për të “entuzizamuar” banorët kolonjarë
