Kush nuk e njeh gjembaçin e kopshteve, shkurreve dhe ferrave.
I bukur në shëmtinë e tij, por i ngarkuar me plot metafora, proverba dhe pickues po deshe ta ledhatosh.
Iriqi është gjitar i nënfamiljes Erinaceinae dhe i rendit biologjik Eulipotyphla.
Është kafshë e vogël gjitare, që e ka trupin të mbuluar nga sipër me gjemba të fortë dhe që mblidhet si top për t’u mbrojtur nga rreziku.
Njihen 17 lloje të iriqëve të ndarë në 5 gjini që jetojnë në pjesë të Evropës, Azisë, Afrikës dhe Zelandës së Re.
Iriqi është polifag (ha gjithçka).
Ai ushqehet me insekte, krimba, por edhe me bar.
Iriqët njihen për shkak të gjembave që kanë në shpinën e tyre, por nuk janë helmues.
Këta gjemba në fakt janë “këmisha antiplumb” e tyre.
Iriqit i bjenë gjembat e bebes duke u zëvendësuar me ato të të rriturit, njëlloj sikurse ndodh me dhëmbët e njeriut- fëmijëve që ju bjenë dhëmbët e qumështit, për t’u zëvendësuar mbas moshës 6 apo 7 vjeçare .
Iriqit i bje gjembat gjithashtu edhe gjatë të paturit të ndonjë stresi ndonjë sëmundje.
Iriqi shumohet gjatë fillimit të pranverës. Pasi mbaron dimri iriqi është gati për t’u shumuar.
Ai mund të bëjë nga 3-5 bebe këlysh me gjemba dhe nëna i ushqen me gji.
