Lufta në Ukrainë është në ditën e 221 të saj, ndërsa Perëndimi paralajmëron për mundësinë e përdorimit të armëve bërthamore nga Rusia.
Sipas disa medieve të huaja, nëndetësja bërthamore ruse “329 Belgorod” po lëviz në detin e Artikut. Kjo nëndetëse është e pajisur me raketën bërthamore “Poseidon”, që ka një rreze prej rreth 5 kilometrash.
Ndërkaq, Aleanca Atlantike e Veriut (NATO) është vënë në alarm dhe raportohet se po monitoron lëvizjet e nëndetëses ruse.
“Nëndetësja ruse bërthamore K-329 Bolgorod po lëviz në detet e Artikut dhe ekziston dyshimi që misioni i saj është testimi i raketës Poseidon, e aftë të mbajë koka bërthamore në në distancë rreth pesë mijë kilometra larg”. Kështu thuhet në një raport të NATO-s, citon La Republica, sipas të cilit Aleanca është në gadishmëri dhe monitoron çdo hedhje të mundshme raketash nga nëndetësja.
“Bolgorod” mund të lundrojë nën ujë me rreth gjashtëdhjetë kilometra në orë. Raportohet se mund të rrijë 120 ditë pa u ngjitur në sipërfaqe.
