Kryeministri Edi Rama gjatë një bashkëbisedimi online me qytetarët foli për atë se çfarë pritet të ndodhë pas muajit tetor me çmimin e energjisë.
Kujtojmë, se ai ditën e djeshme bëri me dije, se fasha 800 Kwh nuk do të hyjë në fuqi në tetor për konsumatorët familjarë.
Rama tha sot, se në muajin nëntor do të vendoset fasha duke pasur parasysh parametrat ose theksoi Rama, do t’i rikthehemi diskutimit sërish.
“Në muajin nëntor do të vendoset fasha duke pasur parasysh parametrat ose do t’i rikthehemi këtij diskutimi përsëri duke pasur parasysh parametrat. Kjo është objektive. Është e vërtetë që nuk është shtuar asnjë burim energjie. Ne kemi bërë një ndryshim shumë të rëndësishme në kontrata e bëra me hidrocentralet nga qeveria e mëparshme. sot do ta çonin shpenzimin e buxhetit në pikën ku do të kishim një hap larg dhëmbët e falimentimit të shteti. Duke qenë se ne i rinegociuam ato kontrata, vendosëm një tavan edhe përballë jo vetëm investitorëve por dhe përfaqësuesve diplomatikë që na ulën në tavolinë dhe na kundërshtonin, ne kemi shumë më pak detyrime ndaj tyre. Në kushtet e kësaj krize kemi një fitim shumë më të madh në raport me atë që do të kishim, 300 milion në vit”-tha Rama.
