Meta: Ridënojmë aktet e Iranit, por kryehakeruesi është Edi Rama.

Në konferencën e sotme për shtyp ish presidenti Ilir Meta mbasi ridënoi aktet e Iranit u shpreh se “Rama është kryehakeruesi i sistemeve” dhe kjo u provua nga dalja e të dhënave personale të gati 1 milionë shqiptarëve para zgjedhjeve dhe përdorimi i tyre nga patronazhistët për qëllime elektorale.
“Dua të them se ridënojmë veprimet armiqësore të nxitura nga qeveria e Iranit kundër sistemit tonë. Kërkojmë marrjen e masave të menjëhershme për të mbrojtur sistemin. Nuk mund të mos nënvizojë që në fillim se kryehakeruesi i këtij sistemi është Edi Rama. Kjo u provua botërisht nga dalja e të dhënave personave të gati 1 mln shqiptarëve para zgjedhjeve dhe përdorimi i tyre nga patronazhistët për qëllime të shantazhit elektoral”, tha Meta.