Kështu shkruan në “Facebook” deputeti dhe kryesues i listës së demokratëve në Qarkun Dibër.
Ai i referohet situatës që ka konstatuar në vizitat e zakonshme që bën në zonën elektorale.
Rrjeti i energjisë, shkruan ai, sikur ka dalë nga lufta e dytë botërore.
Ai ndal gjithashtu në problematika të tjera si varfëria dhe shpopullimi masiv që ka përfshirë fshatrat dhe zonat e tjera të qarkut.
Ja postimi i plotë i tij:
Rrjeti i energjisë elektrike sikur ka dal nga lufta e dytë botërore, Qeveia e rilindjes e ka nxjerrë nga harta e Shqipërisë qarkun Dibër!
Në fshatin Lishan i Epërm, Luzni, Dibër, energjia elektrike është si në kohën e mesjetës, e në fakt e tillë është situata në gjithë qarkun Dibër!
Me qindra familje pa energji se s’kanë mundësi të paguajnë tarifën e dyfishuar të energjisë elektrike!
Me qindra fshatra pa energji, për shkak të rrjetit primitiv dhe mungesës së elektriçistëve!
Braktisje masive e zonave rurale për shkak të politikës shpopulluese të Qeverisë së rilindjes!
OST paguan 130 mijë euro për kozmetik për femrat e punësuara, ndërsa në Lishanë e kudo në Dibër, me gabinë elektrike të vendosur në tokë, me shtylla druri copa copa dhe të rrëzuara, me tel me gjemba e me lidhje të ndryshme në transmetim?!!
Qeveria ka kapitulluar në çdo sektorë të zhvillimit të ekonomisë, të investimeve dhe të shërbimeve ndaj qytetarëve!
Qytetarët janë braktisur prej 9 vitesh, prej qeverisë së rilindjes!
OSHEE është kthyer në një organizatë militantësh partiakë ose patronazhist votash!
Qytetarët Dibranë, Matjanë dhe Bulqizakë, janë në mëshirë të fatit, riparojnë vetë gabinat, shtyllat dhe telat elektrikë!
Qarku Dibër më i diskriminuari në Shqipëri nga Rilindja për arsye politike dhe krahinore!!!!
