Deputeti demokrat Kreshnik Çollaku është dëshmitar i ngjarjes tragjike në Himarë, ku një oficer policie vrau me skaf vogëlushen që lodronte buzë detit.
Çollaku shpreh ngushëllimet familjes, por edhe bënë thirrje që të ndalen “këta idiot që marrin jetë njerëzish”.
Gjithashtu ai pyet se, ku dhe si mundet një oficer policie të zotëroi një mjet luksi të tillë ?
Janë dy postime të Çollakut, por me të njëjtin mesazh dhe ne po i përcjellim të dyja në të njëjtin shkrim.
Postimi i tij :
Vetëm 20 metra larg vendit ku ndodhesha unë, sot jam dëshmitar i një tmerri në brigjet e Himarës në Potam.
Fjalët ngushëlluese, keqardhja shkarkimet nga insitutucionet e shtetit nuk mjaftojnë për tragjedinë e sotme të Himarës, ku një vajzë 5 vjeçare u coptua në breg të detit nga një skaf i dimensioneve të mëdha dhe një mjet detar lluksi.
Përgjigjja e shtetit sot duhet të jetë ndalimi i menjëhershëm i përdorimit të këtyre skafeve lluksi në brigjet e detit mbi kokën e pushuesve.
Kjo për sot.
Nesër duhet të kuptojmë se si është e mundur që një mjet të tillë detar lluksi ta posedojë një oficer i thjeshtë policie.
Tmerr.
Ky skaf në breg të detit në Himarë sapo vrau një vazje 10 vjeçare.
Kafshëria për të performuar me skafe të tilla në breg të detit dhe humbja totalisht e kontrollit policor mbi vijën bregdetare sot shkaktoi një viktimë 10 vjeçare.
Çfarë duhet akoma për të ndaluar idiotët e ujit që me skafet e shtrenjta të vrasin ???
