shkruan Shpëtim Zinxhiria.
Si do të funksionojnë kuponët ?
Nga 200,000 përfitues do të dyfishohen në 400,000
Kryeministri Kyriakos Mitsotakis njoftoi dyfishimin e financimit dhe të përfituesve të programit “Turizmi për të gjithë 2022” gjatë vizitës së tij në Prevezë.
“Sa herë që flas për turizmin, ndjej plotësisht se sot ka bashkëqytetarë që e kanë të vështirë të kalojnë qoftë edhe disa ditë pushime. Ndaj dhe mora vendimin dhe do të njoftojmë zyrtarisht brenda ditës detajet për të dyfishuar fondet për programin “Turizmi për të gjithë”. Ne do të japim 30 milionë euro të tjera, 200 mijë bashkëqytetarë të tjerë do të mund t’i përdorin këto fonde për të na ndihmuar të zgjasim sezonin turistik përtej shtatorit. Që sot t’u japim mundësinë sa më shumë bashkëqytetarëve tanë që nuk kanë mundësi të bëjnë qoftë edhe disa ditë pushime”, tha Kyriakos Mitsotakis duke folur me qytetarët.
Sipas një njoftimi të Ministrisë së Turizmit, programi “Turizmi për të gjithë” po forcohet me 30 milionë euro shtesë, ku buxheti total arrin në 61 milionë euro – nga 31 milionë euro që ishin buxhetuar fillimisht – dhe totali i përfituesve për këtë vit, për të arritur në 400,000.
Prioritetet
“Kjo pasqyron prioritetet e një qeverie e cila ka gjithmonë në fokus më të dobëtin”, shtoi kryeministri, ndërsa vuri në dukje ecurinë shumë të mirë të turizmit. “Kemi këtë vit dhe jam i lumtur që shoh që këtu në Greqinë perëndimore, në Lefkada, këtu në Prevezë, një sezon shumë të mirë turistik. Më vjen mirë që Greqia është një vend i preferuar nga vizitorët e huaj. Besoj se kur të bëjmë bilanc do të flasim për një vit turistik jashtëzakonisht pozitiv”, tha ai.
Çfarë përfshihet ?
Programi “Turizëm për të gjithë 2022” parashikon pajisjen e një karte dixhitale jomateriale për të subvencionuar shpenzimet në hotele dhe akomodim në të gjithë Greqinë.
Karta ka një vlerë prej 150 euro për çdo përfitues dhe 200 euro për PAK me aftësi të kufizuara mbi 67%, krahasuar me një subvencion horizontal prej 120 eurosh të parashikuar për vitin e kaluar. Mund të përdoret deri në fund të qershorit 2023, ose një herë në një destinacion ose në disa vende të ndryshme.
Kryeministri ka vizituar qendrën e Prevezës dhe ka biseduar me qytetarët. Më pas ai vizitoi lokalitetin arkeologjik të Nikopolis, ku u prit nga ministrja e Kulturës dhe Sportit, Lina Mendoni dhe e njoftoi me ecurinë e projekteve restauruese dhe restauruese që janë në zhvillim e sipër.
Çfarë do të ndodhë me kuponët?
Kuponët e rinj dixhitalë – 200,000 në numër – do të blihen nga përfituesit nga mesi i shtatorit e në vazhdim, deri në qershor 2023.
Siç thekson Ministria e Turizmit në njoftimin e saj, “Ato kanë të bëjnë me bashkëqytetarët tanë, të cilët tashmë kanë paraqitur një aplikim në platformën elektronike vouchers.gov.gr, e cila u mbyll mesnatën e së enjtes, 21 qershor dhe nuk do të jenë përzgjedhur si përfituesit në shortin elektronik që do të zhvillohet, deri në fillim të javës së ardhshme, për shpërndarjen e 200.000 çeqeve të para.
