Irena Beqiraj
Kjo është pyetja që mund e duhet të bëjë çdokush, kur mëson se përgjatë periudhës 2014 – 2025 në Shqipëri janë harxhuar plot 3 miliardë e 800 milionë euro vetëm për ndërtimin e rrugëve, paçka se rrugët tona të arta çahen, shemben e shkatërrohen që me shiun e parë.
Por ne mbajmë vendin e parë jo vetëm për kostot më të larta në ndërtim e tyre, por edhe për pagesat që qytetarët janë të detyruar t’u paguajnë konçensionarëve (klientëve të qeverisë), sa herë duan të hapet trau e të udhëtojnë nëpër ato rrugë.
Për ta patur më të qartë po ju sjell konkretisht tarifat me të cilat paguhen konçensionarët në vendet e Ballkanit Perëndimor:
Në Shqipëri, për çdo kalim në rrugën Thumanë – Kashar, paguhet mesatarisht 1 euro për çdo 8.4 km.
Në Maqedoninë e Veriut, paguhet 1 euro për çdo 23.8 kilometra të rrugës Gostivar-Kumanovë.
Në Serbi, segmenti Preshevë – Suboticë paguhet 1 euro për çdo 23.6 km rrugë.
Në Mal të Zi, 1 euro paguhet për çdo 14.2 km të rrugës Podgoricë – Matesevo.
Ndërsa në Bosnjë, rruga Banja Luka-Doboj ka një mesatare prej 1 euro për çdo 15 km rrugë.
Të parët për pagesat nga buxheti i shtetit, të parët për pagesat nga xhepat e qytetarëve, dhe të fundit në cilësinë edhe qëndrueshmërinë e tyre
Kartel apo qeveri që mbron interesat e qytetarëve?!
Çfarë është kjo e jona …?
