Para 25 vitesh, më 5 tetor 2000, në Serbi është rrëzuar regjimi i diktatorit dhe të akuzuarit për krime lufte e gjenocid, Slobodan Milosheviq.
Në pushtet erdhën Vojisllav Koshtunica si President, Zoran Gjingjiq u zgjodh Kryeministër, ndërsa 18 partzi të aleancës DOS morën pushtetin.
Millosheviqi më pas u arrestua dhe dërgua në Hagë, në Tribunalin për krime në ish-Jugosllavi. Por pak para shqiptimit të verdiktit sipas akuzave për krime dhe gjenocid në Bosnjë-Herceogovinë, Kroaci e Kosovë, Millosheviqi vdiq në qelinë e tij në Hagë.
Sot, 25 vjet më pas, në pushtet në Serbi janë bashkëpunëtorët e tij të dikurshëm, Aleksandar Vuçiq, që në qeverinë serbe ishte në kohën e luftës së Kosovës si Ministër i Informimit nga radhët e Partisë Radikale të Vojisllav Sheshelit si dhe Ivica Daçiq, që ishte një kohë të gjatë zëdhënës i Partisë Socialiste të Srbisët, të drejtuar nga Millosheviqi.
Sa ka ndryshuar vërtet Serbia në këto 25 vite nga rrëzimi i Millosheviqit?
Kjo është një pyetje që sot shtrohet edhe në Serbi, ku për gati një vit po vazhdojnë protestat kundër Vuçiqit dhe qeverisë së tij, për shkak të dyshimeve për korrupsion dhe shpërdorime politike.
Burimi: DW Shqip
